Ábishtanýshy Baqtybaı Jaılaýdyń «Ábish Kekilbaıuly kim?» atty kitaby jaryq kórdi, dep habarlaıdy Egemen.kz.
Týyndy «Mazmundama» baspasynyń «Ol kim?» jobasy boıynsha jazylǵan. Avtor bul shyǵarma arqyly jazýshy, memleket jáne qoǵam qaıratkeri, abyz tulǵa Ábish Kekilbaıulynyń ómir jolyn qazirgi oqyrmanǵa jańasha stılde tanystyrýdy maqsat etken.
Kitap avtorynyń aıtýynsha, bul eńbektiń basty ereksheligi – kúrdeli dúnıeni qarapaıym tilmen, tereń mazmundy qoljetimdi formatta jetkizý bolǵan. Jazý barysynda avtor tulǵanyń ómirin, adamı bolmysyn jáne azamattyq qalyptasý jolyn kórsetken.
Jańa kitap – oqýshylarǵa uly tulǵa týraly túsinikti aqparat beredi, stýdentterge zertteý men shyǵarmashylyq oılaýǵa baǵyt beredi, muǵalimderge oqý úderisine qosymsha materıal bolmaq.
Týyndynyń negizgi maqsaty – Ábishtiń balalyqtan danalyqqa deıingi jolyn shynaıy kórsetý; jas urpaqqa tabandylyq pen izdenistiń ólsheýsiz qunyn túsindirý; ulttyq IQ men EQ-di birge kóteretin tulǵalyq model usyný.
– Bul eńbegimdi ultqa qajet, urpaqqa kerek dúnıe dep senemin. Kitapty ózińiz úshin, balalaryńyz úshin baspadan satyp alyp oqýǵa bolady, – deıdi kitaptyń avtory Baqtybaı Jaılaý.
Mańǵystaý oblysy