Qasym-Jomart Toqaev shaǵyn bıznesti qoldaýdyń biryńǵaı baǵdarlamasyn jedel qabyldaýdy tapsyrdy. Qujatta óńirlerdiń ereksheligi men kásipkerlerdi naqty qoldaý tetikteri qarastyrylady, dep habarlaıdy Egemen.kz Aqordanyń baspasóz qyzmetine silteme jasap.
«Jergilikti ónimge, bilim men zamanaýı tehnologııaǵa basymdyq berý aıtarlyqtaı nátıje ákeletinin tájirıbe kórsetti. Mysal retinde Japonııanyń halyqaralyq yntymaqtastyq agenttigi (JICA) jáne «Atameken» ulttyq palatasynyń qoldaýymen júzege asqan «Bir aýyl – bir ónim» jobasyn keltirýge bolady», deıdi Prezıdent.
Memleket basshysy shaǵyn jáne orta bıznes ókilderi iri qara terisin óńdeıtin kásipkerlikpen aınalysýǵa nıetti ekenin aıtty.
«Aýyl-aımaqtardan osyndaı aqylǵa qonymdy ótinishter men usynystar jıi túsedi. Máselen, qoı men iri qara terisin óńdeıtin kásiporyn ashý týraly bastamany aıtýǵa bolady. Nege ekenin qaıdam, qansha jyl ótse de osy sharýany Úkimet te, bıznes te qolǵa almaǵan. Áıtse de shaǵyn jáne orta bıznes bul kásippen aınalysýǵa nıetti.
Úkimet ortaq jaýapkershilik qaǵıdatyna saı memleket pen bıznestiń tıimdi qarym-qatynas jasaýyna jan-jaqty yqpal etýi kerek. Bul aýyldar men shaǵyn qalalardyń damýyna tyń serpin beredi», deıdi ol.