Atyraý oblysynyń kásipkerler palatasy uıymdastyrǵan jobanyń úsh jeńimpazy 5 mln teńgeden qaıtarymsyz grantty ıelendi, dep habarlaıdy Egemen.kz.
Oblystyq kásipkerler palatasy bızneske qarjylyq emes qoldaý kórsetý bóliminiń basshysy Janargúl Jolamanovanyń aıtýynsha, jeńimpazdyń biri – «Nurbaqyt» jeke kásipkerliginiń ıesi Nurbaqyt Járkenova qaz etin óndirýmen aınalysady.
Al «Cool Man» jeke kásipkerligin qurǵan Asqar Qulman aýyl sharýashylyǵyna arnalǵan bıogýmı óndirisin ashqan. Sondaı-aq jeke kásipker Bólekbaı Qýanyshqalıev jeke isin aǵash buıymdaryn jasaýmen damytyp otyr.
«Biz aýyldarda úlken áleýettiń baryn, sapaly ári suranysqa ıe ónim shyǵara alatyn myqty kásipkerler shoǵyry qalyptasqanyn kórip otyrmyz. «Bir aýyl – bir ónim» jobasy osyndaı kásip ıelerine qoldaý kórsetýdi kózdeıdi. Jobanyń úsh jeńimpazyna qaıtarymsyz memlekettik grant berildi. Bul qarjy olardyń bıznesin keńeıtýge jol ashady», dedi Janargúl Jolamanova.