Qytaıdyń shyǵysyndaǵy Chjeszıan provınsııasynda jasandy ıntellektimen jabdyqtalǵan Hansın-1 atty polısııa roboty qyzmetke kiristi.
Ol jol qıylysynda turyp, tártipti baqylaıdy. Júrgizýshiler men jaıaý júrginshiler erejeni buzsa, robot dabyl qaǵyp, eskertý jasaıdy. Hansın-1 qozǵalysy jol polısııasy qyzmetkerleriniń qımyldaryna negizdelgen. Baǵdarshamnyń tústerine qaraı jumys tártibin avtomatty túrde ózgerte alady. Mamandar mundaı «aqyldy ınspektorlar» bolashaqta polıseılerdiń jumysyn jeńildetip, megapolısterdegi qozǵalysty barynsha qaýipsiz ári tártipti etýge kómektesetinin aıtady.