Qazaqstanǵa qystyń alǵashqy aıazy kele jatyr. Aýa raıyn boljaýshylar 9 jeltoqsanda elimizdiń soltústik, soltústik-batys jáne shyǵys óńirlerinde kún kúrt sýytyp, aýa temperatýrasy 30-35 gradýsqa deıin tómendeıtinin habarlady, dep jazady Egemen.kz.
«Qazgıdromet» RMK-nyń habarlaýynsha, 9 jeltoqsanda soltústik-batys jáne soltústik óńirlerge sýyq aýa massalarymen ushtasqan soltústik antısıklon jyldam enedi.
- Aldymen elimizdiń soltústik bóliginde, keıin búkil Qazaqstan aýmaǵynda jaýyn-shashyn toqtap, kún kúrt sýytady. Túngi ýaqytta termometr baǵany soltústik óńirlerde mınýs 22-30 gradýsqa deıin, shyǵysta mınýs 27-35 gradýsqa deıin, al ońtústik jáne ońtústik-shyǵysta mınýs 10-20 gradýsqa deıin tómendeıdi, - dep habarlady aýa raıyn boljaýshylar.
Sýyq aýa aǵyndary eń áýeli Soltústik Qazaqstan, Aqmola, Qostanaı, Aqtóbe, Pavlodar oblystary aýmaǵyna ótip, odan soń Qaraǵandy, Jezqazǵan, Abaı, Shyǵys Qazaqstan óńirlerine, eldiń shyǵys-ońtústik, shyǵys aımaqtaryna jyljıdy.
Soltústik oblystardyń basym bóliginde bul kúnderi aıazben qosa, jeldiń ekpini sekýndyna 15-20 metrge deıin jetedi dep boljanyp otyr.
Elimizdiń tótenshe jaǵdaılar qyzmeti atalǵan óńirlerdiń turǵyndaryna aıazdy kúnderi saq bolýdy, alys saparǵa shyqpaýdy eskertedi.