Kınologtar odaǵynyń uıymdastyrýymen Almaty oblysynda tazy ıtterge arnalǵan respýblıkalyq ańshylyq synaqtary ótti. Oǵan ártúrli sharýashylyqtar men kınologııalyq klýbtardan kelgen 15 tazy qatysty. Astanalyq «NOMAD» qoǵamdyq qorynyń ókilderi osy joly da úzdikter qatarynan kórindi, dep jazady Egemen.kz.
Almatylyq kezeń osyǵan deıin Astana mańynda ótkizilgen or qoıanǵa júrgizilgen synaqtardyń jalǵasy ispetti boldy. Bıyl ıtter qum qoıanyna arnalǵan kúrdeli tapsyrmalardy oryndap, qabiletterin arttyrdy. Or qoıan júgirgende bir baǵytta jyldam qozǵalady, al qum qoıany árdaıym baǵytyn ózgertip turady, sondyqtan tazy óte jyldam qozǵalýy qajet jáne ańshylyq qasıeti damyǵan bolýy shart.
Astana qalasy ákimdiginiń resmı saıtynyń habarlaýynsha, sarapshylar komıssııasy «Qazaq tazysy» tuqymynyń tájirıbeli mamandarynan quraldy. Baǵalaý kezinde ıttiń jyldamdyǵy, manevrlik qabileti, ańshylyq sezimtaldyǵy, tózimdiligi, sheberligi eskerildi.
Júldegerler: 1 oryn – Áreket, ıesi: «NOMAD» ulttyq ańshylyq klýby (Astana); 2 oryn – Adyrna, ıesi: «NOMAD» ulttyq ańshylyq klýby (Astana); 3 oryn – Qabylan, ıesi: Ernar Mýptekeev.