El tabysyn Elbasymen baılanystyrǵan hattar

* Prezıdent pochtasynan Memleket basshysy Nursultan Nazarbaevtyń atyna Qa­zaq­stan halqy Assambleıasy Keńesiniń Qazaqstan Respýblıkasy Prezıdentiniń saılaýyn ótkizý jónindegi bastamasyna baılanysty hattar men jedelhattar kóptep kelýde, dep habarlady Prezıdenttiń baspasóz qyzmeti. Memleket basshysynyń aty­na ǵylymı-zert­teý meke­me­leriniń jumysshy­lary­nan, qoǵamdyq birlestikterdiń mú­shelerinen, mádenıet ókil­derinen, sondaı-aq, eldiń túrli óńirlerindegi azamattardan bas­tamaǵa jáne Qazaqstannyń turaqtylyq pen ornyqty damý baǵdaryn saqtaýǵa qoldaý bildirgen hat-habarlar kóptep kelip jatyr. A.Áshimov, N.Yqtymbaev, S.Elý­baı, S.Narymbetov jáne R.Áb­diráshov syndy kınematografııa óneriniń birqatar tanymal qaıratkerleri Nursultan Na­zarbaevtyń Otanymyzdyń ıgi­ligi jolyndaǵy qajyrly eń­begine rahmet aıtyp, prezı­denttik saılaý­dy ótkizýdi zor yqy­laspen jáne shynaıy qol­daı­tyndyqtaryn atap ótken. «Búginde Qazaqstannyń kıne­ma­tografııasy buryn-sońdy bolma­ǵan órleýge bet alǵanyn, qazaq kıno­synyń abyroıy kóz aldymyzda as­qaqtap kele jatqanyn bári kórip otyr. Bul bizdiń elimizdiń turaq­ty­lyǵynyń aıqyn kórsetkishi,  óıt­keni, «zeńbirekter gúrsildep jat­qan­da, mýza tunshyǵady». Sý­ret­shi «turmys taýqymetiniń qoıý tú­tinin­de» shyǵarma týdyryp, oıla­ǵa­nyn júzege asyra almaıdy. Siz bizge shy­ǵarmashylyq týyndylar jasaý­ǵa múmkindik berip otyrsyz. Bola­­shaǵymyzdy Sizben birge bolý arqy­ly ǵana kóremiz», – delingen hatta. Ekonomıka ınstıtýtynyń, «Ǵy­lym ordasy» RMK, Bilim jáne ǵy­lym mınıstrligi Ǵylym komı­teti­niń fılosofııa, saıasattaný jáne dintaný ınstıtýtynyń basshylary  ınnovasııalyq ındýstrııalandyrýdy, ınfraqurylymdyq damýdy eldiń basty basymdyqtarynyń biri retinde jarııalaý ǵalymdar úshin mańyzdy oqıǵa bolǵanyna nazar aýdarǵan. «Otandyq ǵylymdy júıeli qol­daýǵa baǵyttalǵan Sizdiń saıasatyńyz eleýli nátıje berdi. Ǵylymı qyzmetkerlerdiń sany ósip keledi. Biz Siz usynǵan baǵdarlamalar men strategııany tolyǵymen qoldaımyz jáne ǵylymı-tehnıkalyq progress týyn ári qaraı da abyroımen alyp júretinimizge sendiremiz. Kez kelgen mindetter men bıik maqsattarǵa biz Elbasymen birge jete alamyz», – delingen hatta. «Generaldar keńesi» respýb­lı­kalyq qoǵamdyq birlestigi ózine ofıserlerden, sarbazdardan, áskerı bólimderden jáne kúsh qurylymdarynan kelip jat­qan hattarda turaqty damýdy, Otanymyzdyń bıik bedelin tike­leı Joǵarǵy Bas qolbasshynyń esimimen baılanystyratyndary atap ótilgenin habarlaıdy. «Biz saılaý ótken jaǵdaıda azamattardyń Memleket basshysyna senimin, qoldaýyn jáne qurmetin rastaıtyn qujatqa esh kúmánsiz qol qoıamyz», – dep jazady avtorlar. Stýdenttik sport federasııasy biriktirgen qazaqstandyq joǵary oqý oryndarynyń barlyq  sportshy stýdentteri prezıdenttik saılaý ótkizý elimizde sportty damytý jónindegi keýdeli jobalardy tabys­ty júzege asyrýdyń kepili bolyp sanalatyn Qazaqstan qoǵamyndaǵy turaqtylyqty saqtaýǵa septigin tıgizetinin atap ótken. «О́z elimizdiń patrıoty jáne Sizdiń saıası baǵdaryńyzdyń jaqtaýshysy bola otyryp, Sizge 2017 jyly Dúnıejúzilik qysqy ýnıversıadany ótkizý týraly ıdeıany júzege asyrǵanyńyz úshin alǵys aıtamyz. Sonyń arqasynda biz týǵan jerimizde óner kórsetý múmkindigine ıe boldyq. Ispanııanyń Granada qalasynda ótken Dúnıejúzilik ýnıversıadada joǵary úshinshi oryndy ıelengen bizder óz Otanymyzda bul nátıjeni jaqsartýǵa tyrysamyz. 2017 jylǵy Dúnıejúzilik qysqy ýnıversıadany tabysty ótkizý jáne 2022 jyly Qysqy Olımpııa oıyndaryn Almatyda ótkizý quqyǵyn ıelený múmkindigin biz Sizdiń atyńyzben ǵana baılanystyramyz», – dep jazady stýdentter. «Qazaqstan múgedekteri uıym­darynyń odaǵy» birlestigi, «Joǵary bilimi bar múgedekterdiń «Namys» qo­ǵamdyq birlestigi» jáne «Men ómir­di súıemin» qoǵamdyq qory bas­shylary búginde respýblıkada múm­kindigi shekteýli adamdardyń to­lyqqandy ómir súrýleri úshin bar­lyq jaǵdaı jasalyp jatqanyn aıtady. «Elimizdi damyǵan 30 memlekettiń qataryna qosý jóninde bıik maq­sat­tar men mindetter belgileı otyryp, biz irgeli múmkindikterge ıemiz. Eli­mizde ómir súrý deńgeıi udaıy ósip keledi. Múmkindigi shekteýli adam­dardyń kásipkerlerdiń qataryn toltyrýy biz úshin dástúrli jaıt­qa aınalǵan. Bular Sizdiń qoldaýy­ńyzdyń arqasynda elimiz ben qoǵam­dy damytýǵa óz úlesterin qosýǵa múmkindik alǵan belsendi ári maq­satker azamattar. Biz Sizge senemiz, eli­mizdiń bolashaǵyn Sizben ǵana baı­lanystyramyz», – delingen hatta. Qyzylorda oblysynyń Aza­mat­tyq alıansy el bolashaǵy úshin mańyzdy saılaýdyń qajettigin atap ótken. «Biz respýblıkada qabyldanyp jatqan áleýmettik-ekonomıkalyq sheshimderge árdaıym aıryqsha mán berip keldik jáne saılaý ótken jaǵdaıda oǵan barynsha belsene qatysýǵa daıyn ekenimizdi bildiremiz», – dep jazady avtorlar. Almaty oblysynyń birqatar etnomádenı birlestikteriniń basshylary respýblıkamyz órkendep, qorshaǵan ortanyń jaqsarýy úshin qajetti nárseniń bári – adamı jáne materıaldyq resýrstar, kúsh-qýat bar ekenin atap ótken. «Sizdiń syndarly saıasaty­ńyzdyń arqasynda bizdiń bárimizdi búgin táýelsiz Qazaqstan úshin maqtanysh sezimi biriktiredi. Elbasymen birge bolý arqyly bizdiń elimiz budan da kúshti bola túsedi», – dep jazady avtorlar. Ońtústik Qazaqstan oblysynan da hattar kóptep keldi. Máselen, kópbalaly analardyń bir toby elimizde memleket tarapynan udaıy jasalyp otyrǵan qoldaýdyń arqasynda balalardyń sany jyldan jylǵa ósip kele jatqanyn aıtqan. «Qazaqstannyń, tatýlyq pen birlik ıdeıasyn nyǵaıta beretin balalarymyz ben nemerelerimizdiń bolashaǵy úshin Siz elimizdi budan da joǵary bıikterge jetkizetinińizge senimdimiz», – delingen hatta. Osy óńirdegi jastardyń ókilderi Memleket basshysynyń eldi tabys­ty damytýdaǵy róliniń joǵary ekenine toqtalǵan. «Siz eńbek jolyńyzdy Qazaqstan Magnıtkasynda qarapaıym jumys­shy bolýdan bastaǵanyńyzdy ár­qaısymyz da bilemiz. Sizdiń ómir jo­lyńyz eńbekqorlyqtyń, maqsat­ker­liktiń, qoǵamǵa qyzmet etýge degen tal­pynystyń, óz halqynyń ıgiligi úshin qajyrly eńbektiń mysaly bo­lyp sanalady. Sizdiń jastarǵa qatys­ty qamqorlyǵyńyz ben qol­daýyńyz elimizdiń bolashaǵymen tikeleı baılanysty», – dep jazady avtorlar. Múmkindigi shekteýli adamdardyń bastamashyl tobynyń hatynda Memleket basshysynyń jan-jaqty qoldaýy halyqtyń osy tobynyń ókilderine ómirdiń barlyq salalaryna belsene qatysýǵa múmkindik beretini aıtylǵan. «Bizdiń elimizde múmkindigi shekteýli adamdardyń mansabyn jalǵastyryp, kásibinde tabys­qa jete alýy úshin bári jasalýda. Qoǵamǵa paıdaly bola alatyn­dyǵymyz úshin sheksiz qýanysh­ty­myz. Biz úshin Siz halyqqa, týǵan elge qylaýsyz qyzmet etýdiń jar­qyn mysaly bolasyz. Barlyq qazaq­standyqtardyń sheksiz senimi men súıispenshiligi Sizdiń myzǵymas bedelińizdiń aıǵaǵy. Biz aldaǵy ýaqytta da Qazaqstandy Sizdeı adamnyń basqarǵanyn qalaımyz», – dep jazady avtorlar. Osy óńirden kelgen taǵy bir hatta birqatar etnomádenı birlestikterdiń basshylary prezıdenttik saılaý ótkizý týraly bastamany qýana qabyl alǵandaryn jáne tatýlyq, birlik, kelisim men turaqtylyq saıasatyn qoldaýǵa daıyn ekenderin aıtqan. «Búginde bizdiń el 130 halyqtyń tatý tirshiliginiń úlgisi bolyp otyr. Bul – tatýlyq, toleranttylyq jáne kelisim ıdealdarynyń jaq­taýshysy retindegi Sizdiń eńbegińiz. Qazaqstannyń basty qundy­lyǵy, onyń baılyǵy men strate­gııalyq basymdyǵy halyqtyń áralýan­dyǵy bolyp tabylady. Bul – baǵa jetpes adamı kapıtal. Sizdiń saıa­satyńyzdyń arqasynda biz birlikte ómir súremiz, al elimiz tabys­ty memleketke aınalyp otyr. О́z bolashaǵymyzdy biz Sizben ǵana baılanystyramyz», – delingen hatta. Astana jastarynyń iskerlik keńesiniń múshesi J.Amantaı Qa­zaqstan Prezıdentiniń basshy­lyǵymen elimiz barlyq qıyndyq­tardy eńserip, jańa bıikterge shyǵatynyna senim bildirgen. «Sizdiń saılaýǵa qatysýyńyz Qazaqstan halqynyń ıgiligi úshin, búkil el qarapaıym halyqtyń ókili retinde meniń pikirimmen kelisetinine senimdimin», – dep jazady avtor. Sonymen qatar, Almaty qala­synyń bir top turǵyny da óz qol­daýlaryn bildirip, Memleket basshysynyń kóregen saıasaty Qazaqstannyń barsha halqynyń ıgiligi úshin jalǵasatynyna senimdi ekenderin aıtqan. «О́tinemiz, laýazymyńyzda uzaq qyzmet etińiz. Biz Sizge biraýyzdan daýys berýge daıynbyz», – dep jazady avtorlar. Qazaqstan halqy Assambleıasy Keńesiniń el Prezıdentiniń saılaýyn ótkizý jónindegi bastamasyna baılanysty Memleket basshysynyń atyna kelip jatqan hattardyń  legi áli jalǵasýda.