2025 jyly kólik salasynyń negizgi kórsetkishteri turaqty ósýdi kórsetedi. Bul týraly Úkimet otyrysynyń qorytyndysy boıynsha ótken baspasóz máslıhatynda Kólik mınıstri Nurlan Saýranbaev málimdedi, dep jazady Egemen.kz.
Ol eldiń tranzıttik áleýeti men logıstıkalyq múmkindikteri keńeıip, qyzmet kórsetý sapasy artyp kele jatqanyn atap ótti. Osy jumys aıasynda birqatar shara men iri ınfraqurylymdyq jobalar júzege asyryldy.
«Jol ınfraqurylymyn damytý sheńberinde bıyl 13 myń shaqyrym jol jóndeý jumystarymen qamtyldy. Bul rekordtyq kórsetkish. Onyń 4 myń shaqyrymy oblystyq jáne aýdandyq joldar. Jóndeý jumystarynyń nátıjesi boıynsha jergilikti joldardyń normatıvtik jaǵdaıy 91%-dy quraıdy», dedi Nurlan Saýranbaev.
Bıyl «Qalbataý – Maıqapshaǵaı», «Uzynaǵash – Otar» jáne «Qyzylorda – Jezqazǵan» jobalary aıaqtalatyny atap ótildi. Ortasha jóndeý jumystary sheńberinde Jezqazǵan – Petropavl jáne Qaraǵandy – Qarqaraly respýblıkalyq joldarynda jóndeý jumystary aıaqtaldy.