Aqparattar aǵyny

*Úkimet birinshi kezekte aýyl sharýashylyǵyn qarjylandyrý kerek dep esepteıdi. Parlament Májilisiniń depýtaty, ag­rarlyq máseleler jónin­degi komıtet tóraǵasy Ro­mın Madınov kúrdeli ekono­mı­kalyq ahýaldan atalmysh sala oń kórsetkishtermen shy­ǵatyndyǵyn atap ótti. Aıta keteıik, ústimizdegi jyldyń naqtylanǵan bıýdjetinde aýyl sharýashylyǵyna qo­sym­sha 20 mlrd. teńge qaras­tyryldy. *Byltyr «Báıterek» holdıngi 22,6 myń ju­mys ornynyń ashylýyna muryndyq boldy. Qury­lymnyń habarlaýynsha, Ult­tyq qordan bólingen qarajat arqasynda 75 mlrd. teńge kóleminde 305 jańa joba ashylǵan. Sondaı-aq, 3 300 shaǵyn jáne orta bıznes ká­sip­ornyna 182,3 mlrd.teńge kóleminde qoldaý kór­setildi. *Astanada jastar «Ardager» aksııasyna belsendi qatysyp jatyr. Qalalyq jastar saıasaty jónindegi basqarmasynyń uıymdastyrýymen turaqty túrde ótkizilip kele jatqan shara aıasynda apta saıyn stýdentter ardagerlerdiń úıine baryp, áleýmettik kómek kórsetýde. Sondaı-aq, belsendi jastar tyl ardagerleri men zeınetkerlerge de qol ushyn sozýdy josparlap otyr. *Ońtústik Qazaqstanda 600-den astam adam ká­sip­kerlik mektebin bitirgen soń óz isin bastaǵan. Oblystyq ákimdiktiń baspasóz qyzmeti málim etkendeı, 2014 jyly 3 399 adam kásipkerlik oqýdan ótken. Olardyń bir bóligi ózderi jumyspen qamtýshy bolyp, 400-den asa jańa jumys oryndaryn qurǵan. *Qyzylorda obly­sy­nyń aýylynda shaǵyn naý­baıhana ashyldy. Qazaly aýdandyq ákimdigi baspasóz qyzmetiniń málimetinshe, el rızashylyǵyna bólenip otyrǵan Qojabaqy aýy­ly­nyń turǵyny Aıbazar Kó­sherbaı óz qarajaty ese­binen Reseıden qajetti jabdyqtardy satyp alyp, shaǵyn naýbaıhanasyn iske qosqan. Qazir ol halyqty nan ónimderimen qamtamasyz etýdi bastap ketti. *Aqmola óńirinde ótken jyly aýmaǵy 268 myń sharshy metr turǵyn úı paıdalanýǵa berildi. Oblys ákimi Sergeı Kýlagın 2014 jyly turǵyn úı qurylysyna qarjylandyrýdyń barlyq kózderi arqyly 21,8 mlrd. teńgeniń ınvestısııasy quıylǵanyn, bul 2013 jylmen salystyrǵanda, 1,7 esege kóp ekenin málimdedi. Onyń ishinde «Qoljetimdi baspana-2020» baǵdarlamasy sheńberinde 7,2 mlrd. teńge bólingen. *Pavlodar oblysyn­da jalpy óńirlik ónim­niń kólemi 3 paıyzǵa ósken. Aımaq ákimi Qanat Bozym­baevtyń aıtýynsha, soń­ǵy bes jyldyń ishinde In­dýs­trııalandyrý kartasynyń aıasynda 68 joba iske qosylyp, 5 600-den astam jumys orny ashylǵan. Habarlar Úkimet, oblystyq ákimdikter saıttary, «QazAqparat» agenttigi jáne nur.kz derekteri boıynsha daıyndaldy.