Keshe palata Spıkeri Qabıbolla Jaqypovtyń tóraǵalyǵymen Májilis bıýrosy ótip, jalpy otyrystyń kún tártibi naqtylandy, dep habarlady osy palatanyń baspasóz qyzmeti.
Halyq qalaýlylarynyń nazaryna maqta salasyn damytý máseleleri boıynsha máseleni birinshi oqylymda, oıyn bıznesine qatysty zań jobasyn ekinshi oqylymda qaraý usynyldy.
Jalpy otyrystyń kún tártibi jobasyna TMD-ǵa qatysýshy- memleketterdiń ıntegrasııalanǵan valıýta naryǵyn uıymdastyrý salasyndaǵy yntymaqtastyq týraly kelisimdi ratıfıkasııalaý týraly zań jobasy da engizilgen.
Sondaı-aq, májilis depýtattary beıindi komıtetterge Qazaqstan men Tájikstan arasyndaǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkasııalaýǵa qatysty zań jobasy boıynsha qorytyndy ázirleý merzimin taǵaıyndap, gendik-ınjenerlik qyzmetti memlekettik retteý týraly zań jobasy boıynsha jumystardy ilespeli túzetýlermen odan ári jalǵastyrmaq.