«Qazgıdromet» RMK 15 jeltoqsanǵa arnalǵan Qazaqstan aýmaǵy boıynsha aýa raıynyń jalpy boljamyn jarııalady, dep habarlaıdy Egemen.kz.
«Dúısenbide elimizdiń basym bóliginde aýa raıynyń turaqsyz sıpaty saqtalady, qar aralas jaýyn-shashyn bolady», delingen «Qazgıdromet» boljamynda.
Soltústikte, túnde jáne tańerteń elimizdiń ortalyǵynda qalyń qar jaýady dep kútiledi. Ońtústik-shyǵysta, túnde ońtústikte, kúndiz respýblıkamyzdyń shyǵysynda jańbyr men qar aralas qatty jaýyn-shashyn bolady.
Qazaqstan boıynsha tuman, kóktaıǵaq bolady jáne boran soǵyp, jel ekpin alady dep boljanady. Aqmola, Soltústik Qazaqstan, Pavlodar, Qaraǵandy oblystarynyń batysynda, soltústiginde, shyǵysynda jáne Ulytaý oblysynda, Qostanaı oblysynyń batysynda, soltústiginde, ońtústiginde sekýndyna 30 metrge deıin jáne odan joǵary jyldamdyqpen qatty jel soǵady dep kútiledi.