Kelissóz qorytyndysy boıynsha Prezıdent Qasym-Jomart Toqaev pen Premer-mınıstr Sanae Takaıchı Birlesken málimdeme qabyldady, dep habarlaıdy Egemen.kz Aqordanyń baspasóz qyzmetine silteme jasap.
Eki eldiń resmı delegasııa músheleri 14 úkimetaralyq jáne vedomstvoaralyq qujatqa qol qoıdy.
Buǵan deıin Memleket basshysynyń Japonııa Premer-mınıstrimen kelissóz júrgizgeni habarlanǵan.
Eske salaıyq, Prezıdent Japonııa Imperatorynyń saraıyna bardy. Qasym-Jomart Toqaevtyń Japonııaǵa alǵashqy resmı sapary Imperator Narýhıtomen kezdesýden bastaldy. Prezıdent qonaqjaılyq tanytqany úshin Japonııa Imperatoryna rızashylyǵyn bildirdi.
Sondaı-aq Prezıdent Qasym-Jomart Toqaev qazirgi ýaqytta Japonııada bilim alyp, túrli salada qyzmet etip júrgen Qazaqstan azamattarymen kezdesti.