Aǵymdaǵy jyly Mańǵystaý oblysynda jalpy quny 235 mlrd teńgeni quraıtyn 19 ınvestısııalyq joba iske qosylyp, 612 jańa jumys orny quryldy. Bul týraly Mańǵystaý oblysynyń ákimi Nurdáýlet Igilikuly Qılybaı OKQ-da ótken brıfıngte aıtty, dep jazady Egemen.kz.
Sońǵy úsh jylda óńirge 3 trln teńgege jýyq ınvestısııa tartylǵan. Tikeleı sheteldik ınvestısııalar kólemi 3 mlrd AQSh dollaryna jetti.
2026-2032 jyldar aralyǵynda óńirde ekonomıkanyń túrli salalarynda jalpy quny 10 trln teńgeden asatyn 55 ınvestısııalyq jobany iske asyrý josparlanýda, nátıjesinde 8,8 myń jańa jumys orny ashylady. Onyń ishinde: óńdeý ónerkásibi – 19 joba, týrızm – 9 joba, kólik jáne qoımalaý – 7 joba, saýda – 4 joba, basqa baǵyttar – 16 joba.
«Olardyń ishinde eń negizgileri dep túrkııalyq «YDA Holding» kompanııasynyń Aqtaý áýejaıy bazasynda mýltımodaldy logıstıkalyq jáne avıasııalyq hab salý jobasy men ammıak-karbamıd kesheniniń qurylysyn aıtýǵa bolady. Hab salynǵannan keıin jolaýshylar aǵynyn jylyna 2,5 mln adamǵa deıin arttyrý, júk tasymaly kólemin jylyna 100 myń tonnaǵa deıin ulǵaıtý josparlanyp otyr. Al ekinshi joba aıasynda jylyna 1,7 mln tonna hımııalyq ónim óndiriledi», dedi Nurdáýlet Qılybaı.
О́ńir basshysy ınvestorlarǵa barynsha qolaıly jaǵdaı jasap, oblystyń ekonomıkalyq damýyna jańa serpin berýdi jalǵastyratynyn atap ótti.
Mańǵystaý oblysy