Aqtóbelikter jedel járdemniń qozǵalysyn Iаndeks Go qosymshasy arqyly baqylaý múmkindigine ıe bolady. Bul týraly Aqtóbede ótken halyqaralyq ınvestısııalyq forýmda aıtyldy, dep jazady Egemen.kz.
Buǵan deıin mundaı múmkindik tek braýzerdegi kartada silteme arqyly ǵana qoljetimdi boldy. Endi bul qyzmet odanda yńǵaıly bola tústi. Iаǵnı, jedel járdem kóliginiń qaı jerde kele jatqanyn Iаndeks Go qosymshasy arqyly kórýge bolady. Shaqyrtý túsken kezde, júıe avtomatty túrde Iаndeks Go qosymshasynan push-habarlama jiberedi jáne medısına mamandary qaı jerde kele jatqanyn, sondaı-aq onyń qansha ýaqyttan keıin keletinin kórsetedi.
Bul aqparatty týysyńyzǵa tikeleı qosymshadan jiberýge bolady. Eger qosymsha ornatylmaǵan bolsa, ótinish berýshiniń telefonyna kartaǵa kiretin siltemesi bar SMS-habarlama keledi. Kartany braýzerden ashqan kezde, paıdalanýshy jedel járdemniń qozǵalysyn naqty ýaqyt rejıminde kóre alady.
Yandex Qazaqstan basshysy Tımýr Shalekenov bul bastama Aqtóbe ákimdigimen jáne Densaýlyq saqtaý mınıstrligimen birlesip iske asyrylǵanyn atap ótti. Alǵashqy kezeńde múmkindik Aqtóbedegi tek belgili bir shaqyrtýlarǵa ǵana qoljetimdi. Bolashaqta ony qala boıynsha barlyq shaqyrtýlarǵa engizý josparlanyp otyr.