Munaıly aýdandyq aýrýhanasynda qyzmetkerlerge eńbekaqy ýaqtyly tólenbeı, jalpy bereshek 273 mln teńgeden asqan. Jaǵdaıǵa prokýratýra aralasyp, tekserý júrgizdi, dep jazady Egemen.kz.
Tekserý barysynda Munaıly aýdandyq prokýratýrasy aýrýhananyń 1040 qyzmetkeriniń eńbek quqyqtary buzylǵanyn anyqtady. Atap aıtqanda, 2025 jylǵy qazan aıy úshin jalaqy belgilengen merzimde tólenbegen.
Qadaǵalaý organynyń qabyldaǵan sharalarynyń nátıjesinde medısınalyq mekeme qyzmetkerler aldyndaǵy 273 mln teńgeden astam jalaqy qaryzyn tolyq ótedi. Osylaısha jumysshylardyń konstıtýsııalyq quqyqtary qalpyna keltirildi.
Bas prokýratýranyń málimetinshe, azamattardyń eńbek jáne áleýmettik quqyqtaryn qorǵaý qadaǵalaý organdary qyzmetiniń basym baǵyttarynyń biri bolyp qala beredi.
Aıta keteıik, buǵan deıin sheneýnikterdiń salǵyrttyǵy saldarynan Mańǵystaý oblysynda 100 myńnan astam turǵyn, onyń ishinde áleýmettik osal sanatqa jatatyn azamattar turǵyn úı jeńildikterinen qaǵylǵany habarlanǵan edi. О́ńirlik prokýratýra qabyldaǵan sharalardyń nátıjesinde memlekettik qoldaýǵa muqtaj azamattardyń buzylǵan quqyqtary da qalpyna keltirilgen.