«Qazaqstannyń Iаdrolyq qoǵamy» qaýymdastyǵynyń atqarýshy dırektory Natalıa Jdanova men «Semeı-Nevada» antııadrolyq qozǵalysynyń vıse-prezıdenti Sultan Kartoev «Kúndelikti tirliktegi radıasııanyń áseri» degen taqyrypta semınar ótkizdi.
N.Jdanova radıasııa taqyrybyna toqtalyp, Qazaqstanda salynatyn AES-tiń mańyzdylyǵyn atap ótti. Qarapaıym turǵyndar arasynda atom energııasynyń qajettiligin túsindirýdemiz, dedi N.Jdanova, sondyqtan da árbir semınar saıyn beınefılmder kórsetip, slaıdtar qoldanamyz. «Nevada-Semeı» qozǵalysymen tyǵyz qarym-qatynasta jumys istep, Semeı polıgonynan zardap shekken balalarǵa jazǵy demalys lagerin de birneshe ret uıymdastyrdyq.
«Qazaqstannyń ıadrolyq qoǵamy» ǵylymı-kópshilik jýrnaly turaqty túrde shyǵyp turady eken. Onda oqyrmanǵa qajetti aqparattyń barlyǵy bar. Jańadan veb-saıt ta ashylyp, halyq nazaryna usynylǵan. Jıynda Nazarbaev Zııatkerlik mektebindegi 9 «F», 9 «S», 8 «S» synyptarynyń oqýshylary Dıana Kýlgýskına, Iýlııa Maslova, Álııa Tumanbaeva, Mádı Raıysov, Arnur Battalov «Discovery planet» dep atalatyn zertteý jumystaryn jurtshylyq nazaryna usyndy.
Oqýshylar jaqynda Kýrchatovtaǵy Ulttyq ıadrolyq ortalyq dırektory Erlan Batyrbekovpen kezdesýge de baryp qaıtypty. E.Batyrbekov daryndy oqýshylarǵa qoldaý kórsetetindigin aıtqan.
Raýshan NUǴMANBEKOVA.
SEMEI.