«Jarqyra, Jańa jyl!» taqyrybymen ótken shyrsha toıyna Taraz qalasy men oblys aýdandarynan jalpy sany 100 oqýshy qatysty. Olardyń qatarynda ata-ana qamqorlyǵynsyz qalǵan, az qamtylǵan jáne kópbalaly otbasynyń balalary bar.
Merekelik keshte ertegi keıipkerleri balalarǵa jyly sózin arnap, qyzyqty oıyndar oınatty. Balalardyń shat kúlkisi men kóterińki kóńil kúıi sahnany jadyratyp, birge Aıaz ata men Aqshaqardyń kelýimen jańajyldyq ertegi odan ári jalǵasty. Sahnada «Aıaz ata» áni shyrqalyp, Aıaz ata ortaǵa qaıta oraldy. Balalar qýanyp, merekeniń kórigi qyza tústi.
Aıaz ata men Aqshaqar bastap shyrshanyń ásem shamdary jaǵyldy. «Shyrsha jyry» áni shyrqaldy. Is-sharada kóńildi keshti balalarmen birge tamashalaýǵa kelgen oblys ákimi Erbol Qarashókeev ortaǵa shyǵyp, balalardy quttyqtap, syılyqtar tapsyrdy.
О́ńir basshysynyń qolynan baǵaly syılyq alǵandardyń qatarynda Lılıa Gýzatova men Arman Qaldybek bar. Olar 80 myń teńgelik sertıfıkatqa ıe boldy. Mundaı syılyq pen sertıfıkat 100 balanyń barlyǵyna berildi. Oblys basshysy balalarmen birge estelik sýretke tústi.
TARAZ