Shymkent qalasynda turǵyn úı alaptaryn kezeń-kezeńimen gazǵa qosý jumystary jalǵasyp jatyr. Jańa jyl qarsańynda megapolıstegi eki iri Altyntóbe jáne Tassaı shaǵynaýdandaryna tabıǵı gaz berildi. Is-sharaǵa qala ákimi Ǵabıt Syzdyqbekov qatysty, dep jazady Egemen.kz.
Altyntóbe turǵyn alabyna tartylǵan gaz qubyrynyń jalpy uzyndyǵy 12 shaqyrymnan asady. Nátıjesinde 343 úı tabıǵı otynǵa qosylý múmkindigine ıe boldy. Qurylys-montaj jumysy bir jyl kóleminde júrgizilgen.Osy kúni qalanyń eń iri ári qarqyndy damyp kele jatqan aýdandarynyń biri Tassaı shaǵynaýdanynda tabıǵı gazǵa qosý rásimi ótti. Mundaǵy gaz qubyrynyń uzyndyǵy 68 shaqyrymnan asady, joba aıasynda 3 341 úı tabıǵı gazǵa qol jetkizdi.
Shymkentte bir kúnde qos kásiporyn ashyldy
Shymkent qalasy ákimdiginiń málimetinshe, Tassaı turǵyn alabyn gazdandyrý jumystary kezeń-kezeńimen júzege asyrylyp jatyr. Buǵan deıingi alǵashqy eki kezeńde 2 566 abonent tabıǵı gazǵa qol jetkizse, úshinshi kezeńde taǵy 775 úı qosylyp otyr.
Tabıǵı gazǵa qosylý úshin turǵyndar tehnıkalyq shart alý jónindegi ótinishti Egov Mobile mobıldi qosymshasy nemese egov.kz elektrondy úkimet portaly arqyly bere alady.