• RUB:
    6.68
  • USD:
    520.93
  • EUR:
    609.07
Basty saıtqa ótý
Prezıdent 05 Qańtar, 2026

Árip qatesin sýqanym súımeıdi: Prezıdent sóıleıtin sózderdiń mátinin ózi qaraıtynyn aıtty

40 ret
kórsetildi

Memleket basshysy Qasym-Jomart Toqaev «Turkistan» gazetine bergen suhbatynda óziniń ómirlik ustanymy men minez-qulqyna qatysty pikir bildirdi, dep habarlaıdy Egemen.kz.

Qasym-Jomart Toqaev kópshilikke jeke ómirin ashyp kórsetýdi jón kórmeıtinin, alaıda kásibı qyzmeti men ishki ustanymy týraly ashyq aıtýǵa daıyn ekenin jetkizdi.

«Men 1975 jyly KSRO syrtqy ister mınıstrliginiń tabaldyryǵyn alǵash ret attadym, memlekettik qyzmetke kelgenime byltyr 50 jyl boldy», dedi Prezıdent.

Prezıdenttiń aıtýynsha, alǵashqy mamandyǵy – qytaıtanýshy. Bul sala erekshe tabandylyqty, uqyptylyqty jáne uzaq ýaqyt boıy júıeli eńbekti talap etedi. 

«Shynymen de, mátinmen jumys isteýge ábden daǵdylanǵanmyn, nashar stıldi, ásirese, árip qatesin sýqanym súımeıdi. Joldaýlarymdy, sóıleıtin sózderimdi, maqalalarymdy, tipti, áriptesterime joldanatyn hattardyń bárin tikeleı ózim qaraıtynymdy apparattaǵylardyń barlyǵy biledi», dedi Qasym-Jomart Toqaev.

Memleket basshysy sanaly ǵumyry temirdeı tártipti, joǵary jaýapkershilikti jáne júıeli jumysty talap etetin memlekettik qyzmette ótkenin aıtty. Bul ómirlik jol onyń minez-qulqy men kózqarasyna tikeleı yqpal etken.

«Siz kimsiz?» degen saýalǵa Prezıdent qysqa ári nyq jaýap berdi:

«Men – memleketshil adammyn».