El turǵyndary «Halyk Bank» pen «Otbasy bank» servısterine kire almaı, qıyndyqqa tap boldy. Eki qarjy ınstıtýtynda da tehnıkalyq aqaýlar tirkelip, mobıldi qosymshalar men bólimshelerdegi qyzmetter ýaqytsha toqtatyldy, dep habarlaıdy Egemen.kz.
Paıdalanýshylar tańerteńnen beri aqsha aýdarý, nesıe tóleý jáne basqa da mańyzdy qarjylyq operasııalardy oryndaı almaı jatqanyn aıtyp shaǵymdanǵan.
«Otbasy banktiń» baspasóz qyzmetiniń habarlaýynsha, qazirgi ýaqytta tek mobıldi qosymsha ǵana emes, sonymen qatar:
Bank bólimsheleri; Baspana Market platformasy; Baılanys nómirleri jumys istemeı tur.Mamandar jóndeý jumystarynyń josparlanǵan ýaqyttan uzaqqa sozylyp ketkenin málimdedi.
«Bizdiń komanda barlyq júıelerdi tezirek iske qosý úshin jumys istep jatyr. Qolaısyzdyqtar úshin keshirim suraımyz», delingen resmı habarlamada.
«Halyk Bank» te tehnıkalyq jumystar júrgizip jatqanyn málimdedi. Qazirgi ýaqytta banktiń mobıldi qosymshasy qoljetimsiz.