5 qańtarda Qyzylordanyń «Qaısar» klýbynyń buryn fýtbolshysy jáne Qazaqstan quramasynyń tanymal qorǵaýshysy bolǵan 64 jastaǵy Marat Esmuratov dúnıe saldy, dep habarlaıdy Egemen.kz.
«Qaısar» FK baspasóz qyzmeti habarlaǵandaı, Marat Esmuratov kóptegen jyldar boıy óz komandalastary úshin úlken bedelge ıe bolyp keldi. Ol 1998-99 jyldarǵy maýsymda Qyzylorda ujymy qatarynda Qazaqstan Kýbogyn jeńip alǵan alǵashqy kapıtan boldy. Marat Jalǵasuly óziniń mansabyn 1979 jyly "Melıorator" (Shymkent) klýby sapynan bastaǵan.
Sodan keıin ol «Qaırat», «Aqtóbe» jáne «Ordabasy-SKIF» sapynda da óner kórsetti. Osylaısha ol óziniń kásibı mansabyn 2001 jyly «Qaısardyń» quramynda bolǵan kezde aıaqtady.
«1992 jyly 1 maýsymda Almatyda Qazaqstan quramasy Túrkimenstan quramasyna qarsy alǵashqy match ótkizdi. Osy tarıhı kezdesýge Marat Esmuratov ta qatysty. Ol bizdiń quramada barlyǵy jeti oıyn oınady. Keıin ol bepkerlik qyzmetpen aınalysty», delingen habarlamada.