AQSh prezıdenti Donald Tramptyń Venesýelaǵa qatysty áreketinen keıin eldegi demokratııalyq partııanyń keıbir ókilderi onyń ımpıchmenti boıynsha bastama kóterdi, dep jazady Egemen.kz.
Osyǵan baılanysty Illınoıs shtatynyń demokraty Delııa Ramıres áleýmettik jelidegi paraqshasynda pikir bildirdi.
– Kóptegen amerıkalyq aýyr dejavıý sezimimen oıandy. Bostandyq degen jeleýmen soǵysqumar ákimshilik shyndyqty burmalap, basqynshylyqty aqtaýǵa tyrysyp jatyr. Olar resýrstardy ıemdenip, óz baılyǵyn arttyrý úshin eldi zańsyz ári sońy joq soǵysqa tartyp otyr. Osyǵan baılanysty kongressvýmen Ilhan Omar usynǵan Kongrestiń ókilettigin naqtylaıtyn soǵys ókilettikteri týraly rezolıýsııany qabyldaý qajet. Sondaı-aq Donald Trampqa ımpıchment jarııalanýy tıis, – dep jazdy Delııa Ramıres.