Prezıdenttiń áleýmettik ınfraqurylymdy damytý jónindegi tapsyrmalary sheńberinde Úkimet medısınalyq ınfraqurylymdy jańǵyrtý jumystaryn júrgizip jatyr. Sonyń ishinde elge qaıtarylǵan aktıvter esebinen júzege asyp jatqan jobalar da bar. Soltústik Qazaqstan oblysynyń Taıynsha kópsalaly aýdanaralyq aýrýhanasyn kúrdeli jóndeýdi aıaqtaýǵa Arnaýly memlekettik qordan 1,3 mlrd teńge bólindi, dep habarlaıdy Egemen.kz Úkimettiń baspasóz qyzmetine silteme jasap.
Qazirgi ýaqytta tehnıkalyq bazany jáne ınjenerlik jelilerdi jańǵyrtý jumystary júrgizilip jatyr. Onyń sheńberinde zertteýlerdi tikeleı aýdan ortalyǵynda júrgizý úshin MRT apparatyna jáne zamanaýı klınıkalyq-dıagnostıkalyq zerthanaǵa arnalǵan mamandandyrylǵan úı-jaılar ashý qarastyrylyp otyr.
Sonymen qatar halyqaralyq trıaj júıesi boıynsha qabyldaý bólmesi uıymdastyrylmaq. Jobaǵa sáıkes onda personaldyń jedel monıtorıng júrgizý úshin kedergisiz kirý múmkindigi bar reanımasııalyq tósekter ornalastyrylady. Bul medısınalyq aralasýdyń jedeldigin jáne medısınalyq qyzmetterdiń joǵary sapasyn qamtamasyz etedi.
Pavlodar áýejaıy qaıtarylǵan aktıvter esebinen jańartylady
Jalpy alǵanda, jobany júzege asyrý nátıjesinde medısınalyq mekeme shuǵyl jáne josparly kómek kórsetýdiń zamanaýı standarttaryna sáıkes keltiriledi.
Qarjy mınıstrliginiń derekterine sáıkes, Arnaýly memlekettik qordan 400-den astam áleýmettik jáne kommýnaldyq nysandarǵa, onyń ishinde 183 medısınalyq mekemege qatysty jobalardy júzege asyrýǵa 482 mlrd teńge bólingen. Birqatar joba «Aýyldyq densaýlyq saqtaý salasyn jańǵyrtý» baǵdarlamasy sheńberinde qamtylǵan. Máselen, alǵashqy medısınalyq-sanıtarlyq kómek nysandaryn, kópsalaly aýrýhanalardy, mamandandyrylǵan medısınalyq ortalyqtardy, shuǵyl medısınalyq kómek ınfraqurylymdaryn salý jáne jańartý jumystary júrgizilip jatyr.
Qaıtarylǵan aktıvter: Dýbaıdaǵy vıllalar men «Dýman» qonaq úıi satyldy