Kámeletke tolmaǵandardyń isteri jáne olardyń quqyqtaryn qorǵaý jónindegi komıssııa anasy náresteni turaqty tamaqtandyrmaǵanyn anyqtaǵan. Bul jaǵdaı bala ómirine jáne densaýlyǵyna qaýip tóndirgen, dep habarlaıdy Egemen.kz.
Bul týraly Ekibastuz qalalyq kámeletke tolmaǵandardyń isteri jáne olardyń quqyqtaryn qorǵaý jónindegi komıssııa habarlady.
«Jańa týǵan náresteni (nárestege 19 kún) Pavlodar qalasyndaǵy balalar úıine ornalastyrý týraly másele qaraldy. Komıssııa otyrysynda balanyń turyp jatqan jerinde qajetti jaǵdaılardyń jasalmaǵany, anasy sábıin turaqty tamaqtandyrmaı, onyń ómiri men densaýlyǵyna qaýipti jaǵdaı týdyrǵany anyqtaldy», dep málimdedi komıssııadan.
Sábıdiń anasy jumys istemegen, áleýmettik jaǵynan turmysy qolaısyz. Áıelge qoldanystaǵy zańnama sheńberinde túsiniktemeler berilgen.