Eýrazııalyq ekonomıkalyq odaqta (EAEO) sheteldik marketpleısterden satyp alynatyn taýarlardy bajsyz ákelýdiń shekti mólsheri saqtaldy. Bul týraly Eýrazııalyq ekonomıkalyq komıssııa (EEK) málim etti, dep habarlaıdy Egemen.kz.
Komıssııa dereginshe, bajsyz ákelý shegi 200 eýro deńgeıinde (shamamen 119 myń teńge) qalady. Bul shekti mólsher keıin qaıta qaralýy múmkin.
Eger shek asyp ketse, jeke tulǵalardan ulttyq deńgeıde belgilengen qosylǵan qun salyǵy (QQS) mólsherlemelerinen bólek, artyq somaǵa 5% mólsherinde kedendik baj salyǵy alynady. Sonymen qatar tólem kólemi bir kılogramm úshin keminde 1 eýrodan (shamamen 595 teńge) kem bolmaýy tıis. Al keıbir taýar túrlerine, onyń ishinde avtokólikterge arnaıy mólsherlemeler belgilengen.
Aqparatta kórsetilgendeı, jańa erejeler EAEO aýmaǵynan tys marketpleısterden alynatyn taýarlarǵa qatysty. Osyǵan baılanysty qazaqstandyqtarǵa Wildberries pen Ozon platformalarynan satyp alǵan taýarlardy deklarasııalaý qajet bolmaıdy.
Elimiz «EAEO+» seriktestigin keńeıtpek
Sonymen qatar komıssııa elektrondy saýdada mamandandyrylǵan deklarasııany qoldanýda jeńildik berilmeıtin, mindetti túrde deklarasııalanatyn taýarlar tizimin bekitti. Atalǵan tizimge:
– alkogol ónimderi– temeki buıymdary– qolma-qol aqsha– áýe jáne sý kólikteri– jekelegen kólik túrleri jáne olardyń shassıleri engizildi.
Sondaı-aq jeke paıdalanýǵa arnalmaǵan taýarlar qataryna jatatyn birqatar satyp alýlar da deklarasııalanýy tıis. Olardyń ishinde:
– solıarıı jabdyqtary– ishten janatyn qozǵaltqyshtar– medısınalyq jıhaz– oıyn avtomattary jáne ózge de taýarlar bar.
Budan bólek, ákelý jáne áketý tártibi ruqsatpen júzege asyrylatyn taýarlar tizimi kórsetildi. Atap aıtqanda:
– qarý jáne oq-dári– qazba janýarlardyń súıekteri– qaýipti qaldyqtar jáne basqa da taýarlar.
EAEO otyrysy Shymkentte ótedi
EEK-tiń saýda jónindegi mınıstri Andreı Slepnıov qabyldanǵan sheshimder paketi EAEO Keden kodeksine engizilgen jáne elektrondy saýda máselelerin retteıtin túzetýlerdiń tolyqqandy kúshine enýi úshin qajetti normatıvtik-quqyqtyq bazany qalyptastyrýdy aıaqtaıtynyn atap ótti. Bul túzetýler EAEO memleket basshylary tarapynan 2023 jylǵy jeltoqsanda qabyldanǵan.
Jańa tártip 1 shildeden bastap engiziledi dep josparlanyp otyr.