«Astana» fýtbol klýby óz tarıhynda eń kúrdeli kezeńderdiń birin bastan ótkerip jatyr. Elordalyq klýbtyń bas bapkeri Grıgorıı Babaıan jaqyn arada jartylaı qorǵaýshy Nazmı Grıpshımen qoshtasýy múmkin ekenin málimdedi, dep jazady Egemen.kz.
О́tken maýsymda 28 jastaǵy jartylaı qorǵaýshy 26 matchta 16 gol soǵyp, 7 nátıjeli pas bergen. Grıpshı bul nátıjesimen el chempıonatynyń eń úzdik surmergeni atanyp, Dastan Sátpaev pen Marın Tomasovty artta qaldyrdy.
Vesti.kz málimetinshe, qazir Nazmı Grıpshı komandasymen birge jattyǵyp júr. Oǵan qatysty klýb úshin tıimdi usynys tússe qarastyrylatyny belgili bolyp otyr.
Grıgorıı Babaıan bul másele tek Grıpshıge qatysty emes, «Astanamen» qoldanystaǵy kelisimsharty bar kez kelgen fýtbolshyǵa qatysty ekenin jetkizdi.
Buǵan deıin fýtbolshyǵa AQSh pen Kanada joǵary lıgasynda oınaıtyn klýbtar tarapynan qyzyǵýshylyq bar ekeni, «Astanadan» transferin satyp alýǵa daıyn ekeni habarlanǵan.
Grıpshıdiń elordalyq klýbpen kelisimsharty 2026 jyldyń jazynda aıaqtalady. Al onyń transferlik quny – 1,5 mıllıon eýro dep baǵalanyp otyr.
Buǵan deıin almatylyq «Qaırattan» ızraıldik jartylaı qorǵaýshy Ofrı Arad ketkenin habarlaǵanbyz.
Sondaı-aq otandasymyz Ǵalymjan Kenjebek resmı túrde reseılik «Ahmattyń» oıynshysy atandy.
Eske salaıyq, «Qaırat» – «Brıýgge» matchyna bıletter satylymy bastaldy.