AQSh prezıdenti Donald Tramp Iranmen saýda-sattyq jasaıtyn barlyq elge 25 paıyzdyq baj salyǵyn engizetinin málimdegen edi. Málimdemege qatysty elimizdiń Saýda jáne ıntegrasııa mınıstrligi pikir bildirdi, dep jazady Egemen.kz.
Salalyq mınıstrlik halyqaralyq saýda-ekonomıkalyq kún tártibi men jaǵdaıdyń damý úrdisin, onyń ishinde AQSh-tyń Iranmen saýda baılanysy bar elderge qatysty jarııalaǵan málimdemelerin muqııat qadaǵalap otyrǵanyn habarlady.
Mınıstrliktiń habarlaýynsha, qazir yqtımal sharalardyń qoldaný parametrleri áli naqtylanbaǵan. Dese de vedomstvo osyǵan baılanysty ártúrli damý ssenarıılerin baǵalaýdy jalǵastyrady.
«Sonymen qatar Qazaqstan ózine alǵan halyqaralyq saýda-ekonomıkalyq mindettemelerin turaqty túrde oryndap keledi jáne syrtqy ekonomıkalyq saıasatta salmaqty ári pragmatıkalyq ustanymdy basshylyqqa alady», delingen mınıstrlik taratqan habarlamada.
Tramptyń aıtýynsha, 25 paıyzdyq baj salyǵy Iran úkimetine qysym kórsetý quraly retinde qoldanylmaq.
Eske salaıyq, Irandaǵy saıası ahýal jáne oǵan qarsy sanksııalardyń kúsheıýine baılanysty álemdik naryqta munaı baǵasy kúrt ósti.
Al Iran bıligi narazylyqtar kezinde shamamen 2000 adamnyń qaza tapqanyn moıyndap otyr.