Elimizde 3-10 aqpan aralyǵynda Qazaqstan Respýblıkasynyń azamattyǵyn alýǵa úmitkerlerge arnalǵan testileýge ótinish qabyldaý bastalady, dep habarlaıdy Egemen.kz Ulttyq testileý ortalyǵyna silteme jasap.
«3-10 aqpan aralyǵynda Qazaqstan Respýblıkasynyń azamattyǵyn alýǵa úmitkerlerge arnalǵan testileýge ótinish qabyldanady. О́tinishti Ulttyq testileý ortalyǵynyń app.testcenter.kz saıtynda nemese UTO qosymshasy arqyly berýge bolady. Al testileýdiń ózi 11 aqpan kúni ótedi», dep jazylǵan habarlamada.
Testileý úsh bólimnen turady:
Qazaq tili boıynsha test – 30 tapsyrma, shekti ball – 15;
Qazaqstan Respýblıkasy Konstıtýsııasynyń negizderi boıynsha test (qazaq nemese orys tilinde) – 40 tapsyrma, shekti ball – 20;
Qazaqstan tarıhy boıynsha test (qazaq nemese orys tilinde) – 30 tapsyrma, shekti ball – 15.
Eń joǵary ball – 100, shekti (ótý) ball – 50.
Testileý ýaqyty – 2 saǵat 10 mınýt. Múmkindigi shekteýli tulǵalarǵa qosymsha 30 mınýt ýaqyt beriledi.
Testileýge qatysý quny – 14 693 teńge. Daıyndyq deńgeıin arttyrǵysy keletinder úshin app.testcenter.kz saıtyndaǵy «Synaq testileý» bóliminde 3 355 teńge turatyn aqyly testileý qoljetimdi.