Qazaqstan Respýblıkasynyń Qarjy mınıstrligine qarasty Memlekettik kirister komıteti syra men syra ónimderin sıfrlyq tańbalaý júıesin kezeń-kezeńimen engizý merzimderi týraly habarlady, dep jazady Egemen.kz.
«Qazaqstan Respýblıkasy Qarjy mınıstrliginiń Memlekettik kirister komıteti naryq qatysýshylaryn syra men syra ónimderin sıfrlyq tańbalaý júıesin kezeń-kezeńimen engizý, sondaı-aq taýarlardy tańbalaý jáne qadaǵalaý aqparattyq júıesinde tirkeý rásimderiniń iske qosylýy jóninde habardar etedi. «Tańbalaýǵa jatatyn taýarlar tizbesin aıqyndaý týraly» buıryqqa sáıkes, 2026 jylǵy 1 aqpannan bastap Qazaqstan Respýblıkasynda syra men syra ónimderin sıfrlyq tańbalaý kezeń-kezeńimen engizý josparlanyp otyr», delingen habarlamada.
О́ndirýshiler men ımporttaýshylar júıeniń jumysymen jáne Taýarlardy tańbalaý jáne qadaǵalaý aqparattyq júıesine (TTQ AJ) tirkelý múmkindikterimen qazirdiń ózinde https://tanba.markirovka.kz/ mekenjaıyndaǵy óndiristik stend arqyly tanysa alady.
Atalǵan júıe ónim týraly málimetterdi kórsetýge, sondaı-aq óndiris pen logıstıkada Data Matrix kodtaryn qoldanýǵa baılanysty úderisterdi qoldaýǵa arnalǵan.
Sıfrlyq tańbalaýdy engizý myna merzimderde júzege asyrylady:
2026 jylǵy 1 aqpannan bastap – bóshkelerdegi (keg) jáne bótelkelerdegi ónimder úshin;
2027 jylǵy 1 qańtardan bastap – qańyltyr bankilerdegi ónimder úshin.
Atalǵan merzimderden keıin shyǵarylatyn ónimder aınalymǵa engizý kezinde Data Matrix kodtaryn paıdalana otyryp, TTQ AJ-da tirkeletin bolady.
Eske salaıyq, 2025 jylǵy qarashada Qazaqstanda mindetti tańbalaýǵa jatatyn taýarlar tizbesi keńeıtilgeni habarlanǵan edi. Tizimge tórt jańa taýar toby engizildi:
syra ónimderi, motor maılary, jeńil ónerkásip taýarlary saıǵaq derıvattary.Qazirgi ýaqytta mindetti sıfrlyq tańbalaýǵa úsh taýar toby jatady:
temeki ónimderi, aıaq kıim dárilik zattar.Osy ýaqytqa deıin 7 mlrd-tan astam taýar birligi tańbalanǵan. Zergerlik buıymdar boıynsha pılottyq joba aıaqtalǵan. Sondaı-aq bıologııalyq belsendi qospalardy (BBQ), turmystyq hımııany, gaz ballondaryn, medısınalyq maqsattaǵy buıymdardy, ósimdik maıyn jáne aǵash materıaldaryn tańbalaý boıynsha pılottyq jobalar iske asyrylyp jatyr.
Mindetti tańbalaýǵa taǵy bir ónim qosyldy