2026 jyldyń qańtar aıynyń alǵashqy 12 kúninde Qazaqstannyń Kaspıı qaırańyndaǵy iri ken oryndarynda munaı men gaz kondensatynyń táýliktik óndirisi aıtarlyqtaı azaıdy. Kórsetkishter ótken jyldyń jeltoqsan aıymen salystyrǵanda eki esege jýyq tómendegen, dep habarlaıdy Egemen.kz.
Energy Monitor arnasynyń málimetinshe, Teńiz ken ornynda óndiris jeltoqsan aıyndaǵy kórsetkishten orta eseppen 51%-ǵa, Qashaǵanda 60%-ǵa, al Qarashyǵanaqta 44%-ǵa azaıǵan. El boıynsha munaı óndirýdiń ortasha deńgeıi 2025 jyldyń jeltoqsanymen salystyrǵanda 35%-ǵa tómendedi. Bul kórsetkish jazǵy eń joǵary mánderden 45%-ǵa az.
Qazaqstannyń munaıyn tasymaldaıtyn tankerler shabýylǵa ushyrady
Aıta keteıik, 2025 jyldyń qorytyndysy boıynsha munaı óndirisi josparlanǵan 96,2 mln tonnanyń ornyna 99,6 mln tonnany qurap, jospar artyǵymen oryndalǵan bolatyn.
Qazaqstandyq munaı teńizge nege jete almaı jatyr?
Alaıda 2026 jyldyń qańtar aıynda KQK arqyly munaı eksportynyń kólemi kesteden 70%-ǵa qalyp qoıdy. Reuters agenttiginiń aqparaty boıynsha, buǵan teńizdegi jıi daýyl men tek bir ǵana aılaqtyq qondyrǵynyń (VPÝ) jumys isteýi sebep bolǵan. Saldarynan qańtarda tankerlerge munaı tıeý kólemi jospardaǵy 1,65 mln b/s ornyna orta eseppen nebári 500 myń barreldi qurap otyr.
Esterińizge sala keteıik, 29 qarashada Astana ýaqytymen 06:06-da Novorossıısk porty aýdanynda KQK-nyń teńiz ınfraqurylym nysandaryna ekıpajsyz júzý quraldary arqyly shabýyl jasalǵan edi.