Sırııa Qorǵanys mınıstrligi Aleppo provınsııasyna qosymsha ásker kirgizip, shyǵys bóligin jabyq áskerı aýmaq dep jarııalady. Bul sheshim óńirdegi qaýipsizdik ahýalynyń kúrt ýshyǵýyna baılanysty qabyldanǵan, dep jazady Egemen.kz.
Vedomstvo mundaı qadamǵa oppozısııalyq koalısııa – Sırııa demokratııalyq kúshteri quramyndaǵy kúrd jasaqtarynyń aımaqqa aýyr qarý-jaraqpen tartylýy sebep bolǵanyn habarlady. Áskerı bólimsheler Alepponyń shyǵys aýmaǵyna ornalastyrylǵan.
AQSh Sırııadaǵy sodyrlarynyń nysandaryna soqqy jasady
Sırııanyń soltústigindegi jaǵdaı 6 qańtarda kúrdelene tústi. Sol kúni «SDS» koalısııasy ushqyshsyz apparattar arqyly úkimet kúshteriniń pozısııalaryna soqqy bergen. Buǵan jaýap retinde áskerı bólimder kúrd jasaqtaryna tıesili oq-dári qoımasyn joıǵan.
Osydan keıin Alepponyń birneshe aýdanynda ózara qarqyndy soqqylar bastaldy. Taraptar qaqtyǵystyń órshýine birin-biri aıyptady. Qaqtyǵys saldarynan 24 adam qaza taýyp, taǵy 129 adam túrli jaraqat alǵan.
Keıinirek, 11 qańtarda taraptar atysty toqtatý jóninde kelisimge keldi. Alaıda aımaqtaǵy áskerı kúshter saqtyq sharalaryn kúsheıtip, jaǵdaıdy baqylaýda ustap otyr.