Elordada kez kelgen vandalızm jáne qoǵamdyq tártipti buzý faktilerine qarsy júıeli kúres júrip jatyr. Kezekti vandaldy polısııa qyzmetkerleri anyqtap, jaýapqa tartty. Bul týraly qala ákimdiginiń resmı saıty málim qyldy, dep habarlaıdy Egemen.kz.
Qalalyq polısııa departamentiniń málimetinshe, túngi ýaqytta 20 jastaǵy er adam Moldaǵulova kóshesimen ótip bara jatyp, aıaldamanyń artqy qabyrǵasyn teýip syndyrǵan. Oqıǵa sol mańdaǵy beınebaqylaý kamerasyna túsip qalǵan. Oqıǵa ornyna polısııa jasaǵy jetip, kúdiktini ustaǵan.
Atalǵan iske qatysty sot ony 10 kúnge qamaýǵa alý týraly sheshim shyǵardy. Sondaı-aq zalaldyń ótemin tóleýge mindettedi.
Polısııa mundaı quqyq buzýshylyqtar qoldanystaǵy zańnama sheńberinde qatań qadaǵalanatynyn eskertti. Osyǵan uqsas oqıǵa bas shaharda 2025 jyly qarasha aıynda bolǵan.
Aıta keteıik, Astanada «Toqta, vandal» aksııasy jalǵasyp jatyr. Oǵan volonterler, belsendiler, tanymal sportshylar men qala turǵyndary qoldaý kórsetken. Aksııanyń maqsaty – vandalızmniń aldyn alý jáne qalany taza ári tártipti etip saqtaý.
«Zań jáne tártip» qaǵıdaty aıasynda polısııa qyzmetkerleri prokýratýramen birlese otyryp, vandalızmge qarsy belsendi jumys júrgizedi. Múlikti qasaqana buzý nemese zaqymdaý – 60 AEK kóleminde aıyppul nemese 30 kúnge deıin qamaýǵa alý arqyly jazalanady.
Astanada vandaldardyń sýreti jarııa kórsetiledi
Eske salaıyq, jańa jyl qarsańynda Astanada aıaldamany búldirgen vandal ustalǵan.