Bıylǵy 18 jáne 19 qańtar kúnderi Almaty oblysynda dástúrli «Qudaıǵa shoqyný» merekesine arnalǵan sýǵa shomylý sharalary bastaldy. Soǵan oraı óńirde barlyq qaýipsizdik talaptary saqtala otyryp, rásimdi ótkizýge arnalǵan 21 stasıonarlyq oryn anyqtalyp, kelisildi, dep jazady Egemen.kz.
Kýpelder kelesi aýmaqtarda uıymdastyrylady: Qonaev qalasynda – 1, Ile aýdanynda – 6, Talǵar aýdanynda – 7, Jambyl aýdanynda – 4, Qarasaı aýdanynda – 1, Eńbekshiqazaq aýdanynda – 2. Barlyq alańdar yńǵaıly kirip-shyǵý joldarymen, baspaldaqtarmen, jaryqtandyrýmen, sondaı-aq qatysýshylardyń qaýipsizdigin qamtamasyz etýge arnalǵan qajetti quraldarmen jabdyqtaldy.
TJM Kreshenıe shomylýy kezindegi qaýipsizdik erejelerin eske salady
Sýǵa shomylý ótkiziletin oryndarda polısııa qyzmetkerleriniń, tótenshe jaǵdaılar bólimsheleriniń jáne medısınalyq qyzmetterdiń kezekshiligi uıymdastyryldy. Is-sharalardy úılestirýdi Almaty oblysynyń Din isteri basqarmasy jáne aýdandyq, qalalyq ákimdikter qamtamasyz etip jatyr.
«Qudaıǵa shoqyný merekesine arnalǵan sýǵa shomylý rásimine barlyq nıet bildirýshiler qatysa alady. Sonymen birge, qatysýshylar qaýipsizdik sharalaryn qatań saqtaýy, aýa raıy jaǵdaıyn jáne densaýlyq kúıin eskerip, sýǵa túsýge aldyn ala daıyndalýy qajet. Shomylý rásimi – eń aldymen rýhanı dástúr, sondyqtan oǵan qatysý sanaly ári jaýapty bolýy tıis», dep atap ótti Almaty oblysynyń Din isteri basqarmasynyń ókilderi.
Din baǵytyndaǵy JI: Elimizde «Imam AI» mobıldi qosymshasy iske qosylatyn boldy