Qazir bizde kásibin damytqysy keletin azamattarǵa qoldaý kóp. Biraq sony bir júıege túsirgen jón. Sonda ǵana bıznestiń el ekonomıkasyndaǵy úlesi artady. Osy kúni bankter usynyp otyrǵan mólsherlemesi joǵary nesıe bıznestiń adymyn ashtyrmaıdy.
«Aýyl amanaty» – aýyldy damytatyn joba. Mólsherlemesi de tıimdi. Jer-jerde osy baǵdarlama aıasynda tirligin bastap jatqandar az emes. Alda osy maqsatta beriletin qarajatty ulǵaıtyp, kepildik máselesin eldegi aǵaıyn úshin tıimdi etse quba-qup. Bul aýyl sharýashylyǵy salasyn kóterýdiń birden-bir joly. Aldaǵy 3 jylǵa bul baǵytqa 450 mlrd teńge bólinedi.
Taǵy bir másele – bizde memleket tarapynan kásipkerlerge jasalyp jatqan salyq jeńildigi men qarjylaı qoldaýdyń tıimdiligin anyqtaıtyn organ joqtyń qasy. Sondyqtan da sıfrlyq platforma arqyly alynǵan qarjy men jumsalýy, ashylǵan jumys oryndary, óndirister sany taldanýy kerek. Bul aıtylǵan máseleniń bári Ulttyq quryltaı aıasynda kóterilip, sheshimin tapsa ıgi.
Nurtaı SABILIаNOV,
Májilis depýtaty