Astanada zertteý-ınnovasııalyq ıdeıalardy qarjylandyratyn «Horizon Europe» baǵdarlamasy boıynsha halyqaralyq vorkshop ótip jatyr. Bul otandyq uıymdardyń atalǵan baǵdarlamaǵa qatysýyna jol ashyp, ár qadamdy durys úılestirýge jaǵdaı jasap, tolymdy aqparat beredi. Osy arqyly ǵalymdar men ınnovatorlar óz jobalaryna iri qarjy tarta alady, dep jazady Egemen.kz.
«Horizon Europe» baǵdarlamasyna qatysý múmkindikteri men asa mańyzdy shıkizat materıaldary salasyndaǵy halyqaralyq ǵylymı-tehnologııalyq yntymaqtastyqty damytýǵa arnalǵan eki kúndik halyqaralyq vorkshop Eýropalyq komıssııa men Nazarbayev University qoldaýymen uıymdastyryldy. Vorkshopqa ýnıversıtetter men ǵylymı uıymdardyń, ındýstrııalyq seriktesterdiń ókilderi, halyqaralyq sarapshylar, sondaı-aq halyqaralyq ǵylymı jobalardy súıemeldeıtin uıymdar qatysty.
Spıkerler óz baıandamalarynda halyqaralyq ǵylymı-tehnologııalyq yntymaqtastyqtyń strategııalyq mańyzyn, «Horizon Europe» baǵdarlamasynyń otandyq uıymdardy eýropalyq zertteý keńistigine kiriktirýdegi rólin, sondaı-aq ǵylym men ónerkásip arasyndaǵy uzaq merzimdi áriptestikterdi damytýdyń ózektiligin atap ótti.
Sportshylarǵa arnalǵan jasandy ıntellekt baǵdarlamasy ázirlenip jatyr
19-20 qańtar kúnderi qatysýshylar úshin «Horizon Europe» baǵdarlamasyna qatysýdyń praktıkalyq qyrlary, sonyń ishinde ótinim berý erejeleri, halyqaralyq konsorsıýmdardy qalyptastyrý tetikteri jáne seriktes izdeý quraldary tanystyrylady.
Baǵdarlama aıasynda asa mańyzdy shıkizat materıaldary máselelerine arnalǵan jeke taqyryptyq sessııa da qarastyrylǵan.
Áleýmettik baǵdarlamalar múmkindigi
Atalǵan vorkshop otandyq uıymdardyń «Horizon Europe» baǵdarlamasyna qatysý aýqymyn keńeıtýge, seriktestik baılanystardy nyǵaıtýǵa, tehnologııalardy birlesip damytýǵa, tájirıbe almasýǵa jáne otandyq ǵylymdy halyqaralyq zertteý men ınnovasııalyq jelilerge júıeli túrde ıntegrasııalaýǵa múmkindik beredi.
Birtutas baǵdarlama betburysqa negiz be?