Almatydaǵy Esentaı ózeninde qaýipti jaǵdaı saqtalyp otyr – qatty aıaz ben muzdyń jınalýyna baılanysty muzdy sý seli qaıta júrý qaýpi bar. Bul týraly búgin «Qazgıdromet» habarlady, dep jazady Egemen.kz.
Gıdrometeorologııalyq qyzmettiń málimetinshe, 18 qańtarda Kishi Almaty ózeni alabyna jatatyn Esentaı ózeninde shaǵyn sý-muzdy sel qalyptasqan. Oǵan tómen aýa temperatýrasy men ózen arnasynda muzdyń belsendi túzilýi áser etken.
«Esentaı ózeniniń arnasynda muz túzilimderiniń basym bóligi saqtalyp, sýdyń kóp jınalýy baıqalyp otyrǵandyqtan, sý-muzdy seldiń qaıta qalyptasý qaýpi bar», delingen habarlamada.
Sınoptıkterdiń boljamynsha, aldaǵy kúnderi Almatyda aýa temperatýrasy nólden tómen deńgeıde saqtalady. 21 qańtarda kúndiz -3...-5 gradýsqa deıin, al túnde -11...-13 gradýsqa deıin tómendeıdi. Kelesi qar 22 qańtarda jaýady dep kútilip otyr.