Tobyl qalasyndaǵy «Altyn dán» aýdandyq mádenıet úıinde múmkindigi shekteýli adamdarǵa arnalǵan bos jumys oryndarynyń jármeńkesi ótti. «Múmkindik» dep atalǵan is-shara Qostanaı oblysynyń О́ńirlik jobalyq keńsesiniń 2026 jylǵa arnalǵan zań men tártip ıdeologııasyn ilgeriletý jospary aıasynda uıymdastyrylyp otyr, dep habarlaıdy Egemen.kz.
Aksııanyń ashylý rásimine Qostanaı aýdanynyń prokýrory Qaırat Ábdirov, aýdan ákimi Oljas Nurǵalıev, aýdandyq múgedekter qoǵamynyń tóraǵasy Qonysbaı Sadyrbekov, aýdan kólemindegi kásiporyndar men sharýashylyq ókilderi, qoǵamdyq, memlekettik mekemelerdiń mamandary, zań oryndarynyń qyzmetkerleri qatysty.
Arqalyq áýejaıy bos jumys oryndary jármeńkesin ótkizdi
Is-shara barysynda múmkindigi shekteýli azamattarǵa laıyqty bos jumys oryndary, jalpy jáne kásibı bilim berý baǵdarlamalary týraly aqparat berildi. Sondaı-aq zaǵıp jandardyń quqyqtary, memlekettik qoldaý sharalary jáne ýákiletti memlekettik organdardyń baılanys derekteri týraly broshıýra, jadynamalar taratyldy.
Atalǵan aksııa aıasynda prokýratýra qyzmetkerleri men aýdandyq jumyspen qamtamasyz etý bóliminiń mamandarynan quralǵan mobıldi top júrip-turýy qıyn 5 turǵynnyń úıine baryp, jaı-kúıimen tanysyp, áleýmettik qoldaý sharalary týraly aqparat berdi.
Kompanııalar 200-den astam bos jumys ornyn usynyp otyr
Jármeńkege 70-ten asa múmkindigi shekteýli adam keldi. Birazy densaýlyǵyna, áleýmettik járdemaqyǵa, baspana máselesine qatysty quqyqtyq keńes alsa, on shaqty adam mehanık, tiginshi, kúzetshi bolyp jumysqa ornalasatyn bolyp kelisti.