Ertis – Baıan óńirinde aldaǵy jyldary elektr stansalarynyń qýatyn arttyrý, jańadan MAES salý josparlanyp otyr. Energetıkalyq nysandardyń jıyntyq qýaty 14 myń MVt-qa jetýi yqtımal, dep habarlaıdy Egemen.kz.
Oblysta Ekibastuz MAES-2 stansasynda qosymsha energobloktardy iske qosý, árbiriniń qýaty 660 MVt bolatyn tórt energoblogy bar Ekibastuz MAES-3 stansasynyń qurylysyn bastaý josparlanyp otyr.
«Budan bólek, Aqsý MAES stansasy men Pavlodardaǵy JEO-2 ortalyǵyn jańǵyrtý, sondaı-aq balamaly energetıka jobalaryn, onyń ishinde qýaty 500 jáne 1000 MVt bolatyn jel elektr stansııalaryn salý kózdelgen. Nátıjesinde óńirde jalpy ornatylǵan qýat kólemi 14 myń MVt-qa deıin artyp, eldiń energetıkalyq balansyndaǵy úlesi 50% asatyn bolady», dep habarlady oblys ákiminiń baspasóz qyzmetinen.
Pavlodar halqy bárinen buryn jergilikti JEO-2 stansasynyń jańartylatynyna qýanyshty. Atalǵan ortalyq óte kóne, 1961 jyly paıdalanýǵa berilgen, ári ol shaharda paıda bolǵan alǵashqy jylý stansasy.
Pavlodar oblysy
Ekibastuzdaǵy alyp murja