Pavlodarda qaıtys bolǵan donordyń aǵzalaryn birneshe naýqasqa bir mezette salýǵa múmkindik bergen kúrdeli ári sırek jasalatyn operasııa ótti, dep jazady Egemen.kz.
О́ńirlik transplantasııa úılestirýshisi Dmıtrıı Poterebýhtyń málimetinshe, gemorragııalyq ınsýltten kóz jumǵan 39 jastaǵy áıeldiń aǵzalaryn donor retinde paıdalanýǵa marqumnyń kúıeýi men uly ruqsat bergen.
Máıittik donorlyqty damytýǵa ne kedergi?
Áıel 22 qańtar kúni oblystyq kardıologııalyq ortalyqqa jetkizilgen. Dárigerler tekserý barysynda «Mı jumysynyń tolyq toqtaýy» dıagnozyn qoıǵan. Mamandardyń aıtýynsha, bul jaǵdaıda adamnyń ómirlik fýnksııalary tek medısınalyq apparattardyń kómegimen ǵana saqtalady.
Transplantologtyń sózinshe, marqumnyń jaqyndary úshin mundaı sheshim qabyldaý asa aýyr bolǵan.
«Mıdyń jumysyn toqtatýy – adamnyń bul dúnıelik ómiri toqtaǵanyn bildiredi. Kúıeýi men uly úshin bul habardy qabyldaý ońaı bolǵan joq. Biz olardy jansaqtaý bólimine kirgizip, júrek soǵysynyń saqtalýy jasandy tynys aldyrý apparaty men dári-dármektiń áseri ekenin jan-jaqty túsindirdik», deıdi ol.
Máıittik donor búldirshinniń ómirin aman alyp qaldy
Pavlodarǵa arnaıy kelgen medısınalyq toptyń quramynda Ulttyq ǵylymı onkologııalyq ortalyǵynyń, Ana men bala ortalyǵynyń mamandary, sondaı-aq University Medical Center kardıohırýrgteri bolǵan.
Aǵzalardy alý operasııasy oblystyq kardıologııalyq ortalyqta júrgizildi. Donor áıeldiń júregi, eki búıregi, baýyry jáne eki kóziniń qasań qabyǵy alynyp, transplantasııaǵa jiberilgen.
Buǵan deıin 6 adamnyń ómirin saqtap qalǵan máıittik donar otasy týraly jazǵan bolatynbyz.