«Ulttyq qor – balalarǵa» baǵdarlamasyna sáıkes 2025 jylǵa tıesili tólemder belgilengen merzimnen erterek bastalady. Qarajat 30 qańtardan bastap aýdarylady, alaıda keıbir alýshylardyń shotynda ol 31 qańtar nemese 1 aqpan kúni kórinýi múmkin, dep jazady Egemen.kz.
Bul týraly Senatta ótken brıfıng barysynda Ulttyq bank tóraǵasynyń orynbasary Álııa Moldabekova málimdedi. Onyń aıtýynsha, zańnamaǵa sáıkes úshinshi tólem 2026 jyldyń 1 aqpanynan keshiktirilmeı júrgizilýi tıis. Alaıda bul kún jeksenbige sáıkes kelgendikten, qarjyny aýdarý merzimi alǵa jyljytylǵan.
«Tólem somasy belgili. Ár balaǵa shamamen 130 dollardan túsedi», dedi Álııa Moldabekova Senattaǵy brıfıngte.
Ulttyq qordyń aktıvteri rekordtyq mejege jetti: 2026 jyly – 77,77 mlrd dollarBaǵdarlama aıasynda buǵan deıin de balalardyń esepshotyna qarajat aýdarylǵan. 2024 jyly ár balaǵa 100,52 dollar, 2025 jyly 129,38 dollardan esepteldi. Investısııalyq tabysty qosa alǵanda, úsh jyl qatarynan tólem alyp kele jatqan balalardyń jınaǵynda shamamen 370 dollar bolady.
«Balalar kámelet jasyna jetkenge deıin bul qarajat bos jatpaıdy, ol ınvestısııalanady. Sondyqtan baǵdarlamaǵa úsh jyl qatarynan qatysqan balalardyń esepshotynda ınvestısııalyq kiristi eskere otyryp, shamamen 370 dollar jınalady», dep naqtylady Ulttyq bank tóraǵasynyń orynbasary.
78 myńnan asa bala «Ulttyq qordan» túsken qarjyǵa oqý aqysyn tólegen
Mamandardyń aıtýynsha, jyl saıynǵy tólem kólemi Ulttyq qordyń valıýtalyq aktıvterine jáne onyń ınvestısııalyq tabysyna tikeleı baılanysty. Balalarǵa arnalǵan qarajat Ulttyq qordyń uzaqmerzimdi ınvestısııalyq kirisiniń jartysy esebinen qalyptastyrylady.
«Ulttyq qor – balalarǵa»: tólemder kóbine qandaı maqsattarǵa jumsalyp jatyr?
Aıta keteıik, «Ulttyq qor – balalarǵa» baǵdarlamasy elimizde kámelet jasyna tolmaǵan barlyq balaǵa arnalǵan uzaqmerzimdi qarjylyq qoldaý tetigi retinde júzege asyrylyp keledi.