Ázerbaıjan valıýtasynyń baǵamy bir táýlikte 33,5 paıyzǵa qulady

Ázerbaıjannyń Ortalyq banki 21 aqpan kúni manattyń dollarǵa qatysty resmı baǵa­myn 20 aqpandaǵy 1 dol­larǵa 0,7862 manattyń ornyna 1 dollarǵa 1,05 manat deńgeıinde belgiledi dep atap kór­­setilgen Ortalyq banktiń habarynda. Osylaısha, manat 33,5 ­pa­ıyz­ǵa qun­syzdandy. «Bul sheshim Ázerbaı­jan­ ­ekonomıkasyn ártarap­tandyrýdy yntalandyrý, ekonomıkanyń halyqara­lyq básekege qabi­let­tiligi men eksporttyq áleýetin kú­sheıtý, tólem balansynyń tu­­raqtylyǵyn qamtamasyz etý maqsatynda qabyldandy», de­lingen habarlamada. Buǵan deıin ÁOB-niń bas­qarma tóraǵasy Elman Rýs­tamov The Financial Times basy­lymyna bergen suhbatynda Ortalyq bank manat baǵamyn dollarǵa tańyp qoıýdan bas tartady jáne birtindep neǵurlym ıkemdi baǵa saıasatyna kóshedi, dep atap kórsetken bolatyn. Sonymen birge, ol valıýtanyń kez kelgen álsizdenýi birtindep júzege asatynyn, OB-niń halyq múddelerin nazarda ustaıtynyn aıtqan. Qazirgi ýaqytta Ázerbaı­jannyń strategııalyq valıýta rezervi IJО́-niń shamamen 70 paıyzyn quraıtynyn jáne aınalymdaǵy qolma-qol manat bazasy kóleminiń 2,5 ese artyq ekenin málimdegen. Sonymen  birge, ol manattyń qanshalyqty qatty qunsyzdanýy múmkin ekenin naqtylaǵan joq. «Egemen-aqparat». sýret: http://today.kz/