ASTANA. 25 naýryz. Búgin Sankt-Peterbýrg qalasynyń Pýlkovo áýejaıyna Boıng 737 jolaýshylar ushaǵy apatty jaǵdaıda qondy. Bul týraly rbc.ru habarlady.
Ushaqtyń shuǵyl qonýyna bir qozǵaltqyshynyń isten shyǵýy sebep bolǵan. Atalǵan Boıng UTair áýe kompanııasyna tıesili eken. UT369 baǵyty boıynsha ushqan ushaq Máskeýden Sankt-Peterbýrgke bet alǵan. Bort kapıtany mejeli jerge jetkende áýejaı ákimshiliginen tótenshe jaǵdaıda qonýǵa ruqsat suraǵan. Bul jaıtty qazir UTair áýe kompanııasynyń resmı ókilderi de rastap otyr.
Apatty jaǵdaıda qoný kezinde ushaqta 78 jolaýshy men birneshe ekıpaj múshesi bolǵan. Desek te, olardyń eshqaısysy zardap shekken joq.
Boıng 737 ushaǵynda qanatynyń astyna ornatylǵan eki qozǵaltqysh bolady. Mundaı ushaq túri jolaýshylar tasymalynda joǵary suranysqa ıe. Atalǵan áýe kóligi 1967 jyldan beri shyǵarylyp keledi.
Elaman Qońyr.
Derek, sýret: rbc.ru.