Aqtóbeniń ferroqorytpa zaýytynda jańa Konstıtýsııa jobasyn talqylaýǵa arnalǵan jıyn ótti. Kezdesýge oblystyq máslıhat tóraǵasy, Konstıtýsııalyq reforma jónindegi komıssııa múshesi Gúlqasıma Súıintaeva, oblystyq máslıhat depýtaty Estaı Sısenbaev jáne kásiporynnyń eńbek ujymy qatysty, dep jazady Egemen.kz.
Jıynda sóz alǵan Gúlqasıma Súıintaeva jańa Konstıtýsııa jobasynda eńbek quqyǵy, azamattardyń qaýipsiz eńbek jaǵdaıy, ýaqtyly jalaqy tóleý sekildi mańyzdy mindettemeler naqty aıqyndalǵanyn aıtty. Onyń aıtýynsha, qujattyń kirispesinde elimizdiń basty ulttyq qundylyqtary kórinis tapqan. «Ádiletti Qazaqstan» ıdeıasy men «Zań men tártip» qaǵıdaty aıqyn belgilenip, adam quqyqtary men bostandyqtary memlekettiń basty basymdyǵy retinde jarııalanyp otyr. Eńbek quqyǵynyń konstıtýsııalyq deńgeıde nyǵaıýy árbir jumysshynyń quqyǵyn qorǵaýǵa jáne qaýipsiz eńbek jaǵdaıyn qamtamasyz etýge quqyqtyq negiz qalyptastyrady.
Qazaqstanda jańa Konstıtýsııanyń jobasy jarııalandy
Sondaı-aq 15 naýryzda ótetin jalpyulttyq referendýmnyń mańyzyna toqtalyp, el bolashaǵyn aıqyndaıtyn qujatty halyq arasynda keńinen túsindirý jumystary jalǵasatyny aıtyldy.
Kezdesý barysynda oblystyq máslıhat depýtaty Estaı Sısenbaev Memleket basshysy Qasym-Jomart Toqaev bastamasymen júzege asyp jatqan Konstıtýsııalyq reformanyń eldiń saıası jańǵyrýyndaǵy sheshýshi qadam ekenin atap ótti. Onyń aıtýynsha, jańa Konstıtýsııa jobasy qoǵam suranysy men zaman talabyna saı ázirlengen. Aldaǵy referendým ár azamatqa el taǵdyryna qatysty mańyzdy sheshim qabyldaýǵa múmkindik beredi. Joba mátininde ádilettilik, «Zań men tártip» qaǵıdaty jáne tabıǵatqa jaýapkershilikpen qaraý máseleleri qamtylǵan.
MNU professorlary jańa Konstıtýsııa jobasyn qoldady
Jıynda qorshaǵan ortany qorǵaý, tabıǵatty aıalaý ár azamattyń paryzy ekeni de aıtyldy. Sońǵy ótken birlesken otyrystarda sarapshylar memleket damýynyń strategııalyq baǵyttary retinde ǵylym men ınnovasııanyń mańyzyn erekshe atap ótken.
Vıse-Prezıdentti kim taǵaıyndaıdy?
Kezdesý sońynda eńbek ujymy ókilderi óz pikirlerin bildirip, usynystaryn ortaǵa saldy. Jıyn jańa Konstıtýsııa jobasyn óndiris oryndary deńgeıinde talqylaýdyń mańyzyn aıqyndap, qoǵamdyq qoldaýdyń artyp kele jatqanyn kórsetti.