ATYRAÝ. 26 naýryz. Atyraý oblystyq tótenshe jaǵdaılar departamentiniń jańa basshysy bolyp Saǵynbek О́mirzaqov taǵaıyndaldy. Ony ujymǵa elimizdiń Ishki ister mınıstriniń orynbasary Vladımır Bojko tanystyrdy. Bul týraly egemen.kz tilshisi habarlady. Saǵynbek О́mirzaqov eńbek jolyn Atyraýda bastaǵan. Kókshetaýdaǵy tehnıkalyq ınstıtýtty bitirgen. 1988 jyly Balyqshy kentindegi №4 órt sóndirý bóliminiń basshysy boldy. Sondaı-aq, Atyraý oblystyq tótenshe jaǵdaılar departamentinde basshynyń orynbasarlyǵyna deıingi laýazymdyq baspaldaqtan ótti. Osy kezge deıin Qyzylorda oblystyq tótenshe jaǵdaılar departamentiniń basshysy qyzmetin atqarǵan. Joldasbek Shópeǵul. Derek: egemen.kz. Sýret: Rahym Qoılybaev.