Shetelde júrse de, óziniń biliktiligin kórsetip júrgen qazaq qyzynyń biri – Ásel Aıapova. Ol – AQSh-tyń «AES» korporasııasynyń energetıkaǵa arnalǵan jahandyq drondyq ınnovasııalyq baǵdarlamasynyń dırektory jáne Energetıkadaǵy drondar men robottar halyqaralyq koalısııasynyń, Amerıkadaǵy «Women and Drones» qaýymdastyǵy keńesiniń múshesi qyzmetin atqaryp keledi.
Ol jetekshilik etken baǵdarlama AQSh energetıkasy men ǵalamdyq ushqyshsyz avıasııa salasynda aıtarlyqtaı tabysqa qol jetkizdi. Sonyń nátıjesinde onyń komandasy «AUVSI Award 2018» halyqaralyq saıysynda ekinshi oryndy, taǵy bir saıysta úshinshi oryndy jeńip aldy.