Astanada burynǵy jigitiniń qolynan qaza tapqan 31 jastaǵy Sánııanyń qazasyna baılanysty sot prosesi jalǵasyp jatyr. Jaqyndary istiń ádil tergeletinine senbeıdi, dep jazady Egemen.kz.
О́tken jyly jazda Astana qalasynda 31 jastaǵy Sánııa Álimjanova qyrshynnan qıyldy. Oǵan burynǵy jigiti kókirek tusynan jáne ishinen úsh ret pyshaq soqqysyn jasaǵan. Sol sátte onyń janynda 7 jáne 10 jastaǵy eki balasy bolǵan. Qandy qylmystan keıin er adam 25-qabattan sekirip ketkenimen tiri qaldy. Qazir bul oqıǵa boıynsha sot prosesi ótip jatyr, ony sýdıa Aıjan Kýlbaeva júrgizip jatyr.
30 jerden pyshaq suqqan: 7 balanyń ákesin óltirdi degen kúdikpen áıeli men enesi ustaldy
Alaıda, qoǵamdaǵy turmystyq zorlyq‑zombylyqqa qarsy «NeMolchı» uıymy tergeý barysyna kúmán keltirip otyr. Uıymnyń málimdeýinshe kúdikti shamamen eki saǵattan soń esin jııa bastaǵan jáne birqatar qujatqa qol qoıǵan. Sonymen qatar, tergeý jáne krımınalıstıka qyzmetteri tergeý eksperımentin ótkizbegen, baspaldaq alańdarynan nemese qorshaýlardan qan úlgileri alynbaǵan.
«2025 jylǵy 19 maýsymda er adam burynǵy qyzynyń úıine pyshaqpen kelgen. Qyz polısııa shaqyrǵan. Biraq jigit ony vannaǵa deıin súırep aparǵan. Balalardyń aıqaıyna qaramastan ol oǵan 3 jerden pyshaq jaraqatyn salǵan. Balalar qoryqqanynan dálizge shyǵyp, esikterdi qatty qaǵyp, kórshilerdi shaqyrǵan. Kórshi páterden er adam kelip qyzdy qylmyskerdiń qolynan ajyratýǵa tyrysty. Biraq ol jaralanǵan qyzdy judyryqpen soǵýdy jalǵastyra bergen. Sánııa kóp qan joǵaltyp, qaıtys boldy», dedi «NeMolchı» qorynyń jetekshisi Dına Tańsári.
Talǵarda er adam óz qyzyn pyshaqtap óltirdi
Sánııanyń ápkesi men anasynyń aıtýynsha ol sulýlyq salasynda jumys istegen, óte únemshil bolǵan, adal eńbekpen tapqan aqshasyna páter satyp alǵan. Balalarynyń tárbıesimen aınalysqan, olardy bes túrli seksııaǵa jazdyrǵan. Ol kúdiktimen zańdy nekede turmaǵan. Onyń oıynqumar ekenin jáne moınynda 10 mıllıon qaryzy bar ekenin bilgennen keıin qarym-qatynasty toqtatpaqshy bolǵan.
Oqıǵadan keıin er adam úıdiń tótenshe jaǵdaı kezinde shatyrǵa shyǵatyn qosalqy satysynan sekirgen. Ol kóliktiń ústine qulap, aýyr jaraqattar alyp, aýrýhanaǵa jetkizildi. Dárigerler onyń mıy jaraqattanǵanyn, omyrtqasy men birneshe súıegi synǵanyn anyqtady.
Shymkentte jas qyzdy óltirdi degen kúdikti qolǵa tústi
Sot saraptamasynda qylmys jasaǵan jigittiń kúızelis jaǵdaıynda bolǵany jáne sol sátte áreketterin tolyq túsinbegeni aıtylǵan. Bul kúdiktini esi durys emes dep tanýǵa negiz bolýy múmkin. Sol sebepti Sánııanyń otbasy men jaqyndary sot ony esinen adasqan dep tanyp, májbúrli psıhıatrııalyq emdeý mekemesine jiberýi múmkin dep alańdaıdy.
Al qoǵam belsendileri men sarapshylar: «Kúdikti pyshaqty 25‑qabattan laqtyryp, sodan keıin kameralardy aınalyp ótip, shamamen 5‑qabattan sekirgen bolýy múmkin» degen balamaly nusqany kóterdi. Olar Joǵarǵy sottan aıyptalýshynyń jaǵdaıyn muqııat zerttep, qosymsha keshendi táýelsiz saraptama taǵaıyndaýdy surap otyr.
Aıta keteıik, elimizde turmystyq zorlyq jáne áıelderge qarsy zorlyq faktileri qoǵamda ótkir másele retinde qarastyrylyp keledi. UN Women uıymynyń málimetinde, álem boıynsha kún saıyn 140‑tan astam áıel jaqyn adamdarynyń qolynan qaza tabatyny aıtylǵan.