Astanadaǵy Táýelsizdik saraıynda ótken barlyq deńgeıdegi máslıhat depýtattarynyń III respýblıkalyq forýmynda Memleket basshysy Qasym-Jomart Toqaev álemdegi kúrdeli geosaıası ahýalǵa qaramastan Qazaqstan ekonomıkasy turaqty damyp kele jatqanyn aıtty, dep jazady Egemen.kz.
Prezıdenttiń sózinshe, qazirgi tańda jahandyq saıası-ekonomıkalyq jaǵdaı kúrdelene túsken. Áskerı qaqtyǵystar men «saýda soǵystarynyń» ýshyǵýy memleketter arasyndaǵy ózara senimniń álsireýine ákelip otyr.
«Qazir álemdegi saıası-ekonomıkalyq ahýal asa kúrdeli. Áskerı qaqtyǵystar, «saýda soǵysy» jyldan jylǵa ýshyǵyp barady. Bul – iri memleketter arasyndaǵy senim daǵdarysynyń jáne olardyń halyqaralyq qaýymdastyq aldyndaǵy jaýapkershilikti eskermeýiniń saldary. Munyń bári elimizdiń múmkindikterin shektep otyr», dedi Prezıdent.
Toqaev: Álemdegi asa kúrdeli ahýalǵa qaramastan, ulttyq strategııamyzdy birtindep júzege asyryp jatyrmyz
Soǵan qaramastan Qazaqstan ulttyq damý strategııasyn kezeń-kezeńimen júzege asyryp, turaqty ósimdi saqtap otyrǵanyn aıtty.
«Byltyr Qazaqstannyń ishki jalpy ónimi 306 mıllıard dollar boldy. Bul – Táýelsiz Memleketter Dostastyǵy elderi arasyndaǵy ekinshi oryn jáne aımaqtaǵy eń joǵary kórsetkishterdiń biri. Sonyń nátıjesinde biz álemdegi ekonomıkasy asa iri 50 eldiń qataryna qosyldyq. Bıyl bul kórsetkish 320 mıllıard dollarǵa jetedi dep boljanyp otyr», dedi Memleket basshysy.
Prezıdenttiń aıtýynsha, Qazaqstan Ortalyq Azııada sheteldik ınvestısııa tartý boıynsha da kósh bastap tur. El ekonomıkasyna 150 mıllıard dollardan astam tikeleı ınvestısııa tartylǵan. Bul – óńirdegi barlyq ınvestısııanyń 69 paıyzy.
Byltyr aýyl sharýashylyǵy salasynda 250 óndiris ashyldy
Sonymen qatar eldiń altyn-valıýta qory 74 mıllıard dollarǵa jetken. Al Ulttyq qordy qosa eseptegendegi jalpy jınaqtalǵan rezerv kólemi 139 mıllıard dollardy quraıdy.
«Bir sózben aıtqanda, ulttyq ekonomıkamyz turaqty ósip keledi. Eń bastysy – bul sapaly ósim», dedi Qasym-Jomart Toqaev.
Prezıdent ekonomıkadaǵy qurylymdyq máselelerge de toqtaldy. Onyń aıtýynsha, uzaq jyldar boıy ekonomıkanyń birjaqty damýy, óndiris pen aýyl sharýashylyǵynyń baıaý qarqyny, sondaı-aq ınfraqurylymnyń tozýy el damýyna kedergi bolǵan.
«Kommýnaldyq sharýashylyq, energetıka, sý jáne jol ınfraqurylymynyń tozyǵy jetti. Alaıda Úkimettiń naqty maqsattarǵa baǵyttalǵan jumysynyń arqasynda ahýal birtindep ózgerip jatyr», dedi Memleket basshysy.
Prezıdenttiń aıtýynsha, Qazaqstan jańa ındýstrııalyq, energetıkalyq jáne ınfraqurylymdyq negiz qalyptastyrýǵa kirisken. Sonyń nátıjesinde óńdeý ónerkásibi sońǵy eki jylda 6 paıyzdan astam ósim kórsetken.
Prezıdent: 2025 jyly 1500 shaqyrym temir jol salynyp, jóndeýden ótti
О́tken jyly elimizdiń ár óńirinde jalpy quny 1,5 trıllıon teńge bolatyn 190 óndiris orny iske qosylǵan. Sonyń arqasynda 22 myńnan astam turaqty jumys orny ashyldy.
Bıyl da bul úrdis jalǵasady. Úkimettiń boljamy boıynsha quny 1,7 trıllıon teńge bolatyn 200 jańa kásiporyn iske qosylyp, 20 myńǵa jýyq jumys orny ashylady.
«Osylaısha Qazaqstannyń ındýstrııalyq áleýeti qaıta jandana túsedi. О́nerkásiptiń jańa salalary qalyptasady. Mysaly, mashına jasaý jáne elektr tehnıkasy jabdyqtaryn óndirý baǵyttary qarqyndy damyp keledi», dedi Prezıdent.