Astanada shaqyrtýǵa kelgen medısına qyzmetkerin urǵan er adam ýaqytsha ustaý ızolıatoryna qamaldy. Ishki ister mınıstrligi atalǵan fakti boıynsha qylmystyq is qozǵalǵanyn habarlady, dep jazady Egemen.kz.
Oqıǵa elordadaǵy saýda ortalyqtarynyń birinde bolǵan. Jedel járdem brıgadasy medısınalyq kómekke muqtaj degen habarlama boıynsha shaqyrtýǵa barǵan. Oqıǵa ornynda mas kúıindegi eki er adamnyń biri densaýlyǵyna shaǵymdanǵan.
«12 jylǵa deıin qamaý»: Qazaqstanda medısına qyzmetkerlerine shabýyl jasaǵandarǵa jaza bekitildi
Medısına qyzmetkerleri tıisti tekserý júrgizip, alǵashqy kómek kórsetken. Alaıda dárigerler ketýge oqtalǵan sátte, er adamdardyń biri agressııa tanytyp, feldsherdi uryp jibergen.
Esterińizge sala keteıik, 8 qarashada Astanadaǵy Táýelsizdik dańǵyly, 24B mekenjaıyndaǵy toǵyz qabatty ǵımarattyń qasbetinen kirpish jabyny qulady. Saldarynan bes adam jaraqat alyp, №1 jalpy aýrýhanaǵa jetkizilgen. 18 qarashada jaraqat alǵan feldsher Uldana Myrzýan kóz jumdy. 18 qarashada, Qasym-Jomart Toqaev Uldana Myrzýandy «Erligi úshin» medalimen nagradtady.