Qazaqstannyń Eńbek Eri, Pavlodar oblysy «Táýelsiz Qazaqstannyń Halyq Batyrlary» qoǵamdyq birlestigi Pavlodar oblystyq fılıalynyń tóraǵasy Ryshat Ámirenov Ekibastuz qalasyndaǵy №373 referendým ýchaskesine alǵashqylardyń biri bolyp keldi, dep habarlaıdy Egemen.kz.
Ryshat Ámirenov ala tańmen talasa oıanyp, mańyzdy saıası is-sharaǵa asyǵyp kelgenin jetkizdi. Sebebi azamattardyń talap-tilegi eskerilgen jańa Konstıtýsııamyzdyń bolashaq urpaqqa bereri mol dep esepteıdi.
Qazaqstanda jańa Konstıtýsııa jobasy boıynsha daýys berý bastaldy
«Esterińizde bolsa, ótken jyly Memleket basshysy jumysshy mamandyqtarynyń bedelin arttyrý máselesine erekshe nazar aýdaryp, «Jumysshy mamandyqtar jyly» dep jarııalady. О́zim de jumysshylar áýletinen shyqqanmyn. Kómir ónerkásibinde 38 jyl eńbek ettim. Adal eńbek mańyzdy. Ata zańymyz negizinde adam jáne adamı qundylyqtar, bılik tarmaqtarynyń teńgerimi, zań ústemdigi men áleýmettik ádilettilik qaǵıdattary jatyr. Biz orta jastan asyp, aqsaqaldyq jasqa jetip qaldyq. Endigi qoǵamnyń kilti – bizdiń balalarymyzda. Al Konstıtýsııa olarǵa qyzmet etýi kerek. Sondyqtan men búgin óz tańdaýymdy jasaýǵa keldim», deıdi ol.
Aıta keteıik, Referendým kúni Almatydaǵy barlyq saılaý ýchaskesinde erekshe ári zamanaýı fotoaımaqtar uıymdastyryldy.
Pavlodar oblysy