Aqmolalyqtardyń alǵadaı peıili

– Búgin el bolashaǵyn aıqyn­daı­tyn kún bol­ǵandyqtan, óz daý­symdy be­rýdi uı­ǵardym. Bul – bizdiń min­­detimiz. Ne­gizin­de aǵa býyn mundaı shar­ýa­larǵa belsene ara­­lasyp otyrady, – deı­di Telman Sháripuly.

Aqsaqal aýzyn jıyp bol­ǵansha 80-nen asqan Vıktorııa Muhamed­ja­nova da kele qal­dy. Ekeýi de árdaıym el bolashaǵyna alańdap jú­re­tin, ózderiniń júrek qalaý­la­ryn búkpesiz jetkizetin jandar eken­derin túısindik.

Daýys berý ýchaskesine kelýshiler sany sát saıyn arta bastady. Tańǵy saǵat 8.00-den asa 68 adam daýys berip úlgerdi. Ýchaskege tirkelgen múmkindigi shekteýli 15 adam bar eken. Olardyń úsheýi úılerinde daýys beredi.

О́ńirdegi daýys berý ýchaske­le­rin­de «Tosyn qoshemet» dep atalatyn ádetten tys aksııa ótkizildi. Is-shara­­nyń bas­ty maqsaty – daýys berýge kelgen adam­dar­dyń kóńil kúıin kóte­­rý. Aksııa sheń­be­rin­de daýys berýge kel­gender áldebir tilek ja­­zyl­ǵan qaǵazdardy qalaýynsha sýyryp alady. Mundaı aksııa óńirdiń Bulandy, Aqkól, Atbasar, Egindikól aýdan­darynda uıym­das­ty­ryl­dy.

Makınsk qalasynyń turǵyny Larısa Sokolova referendým  ýchas­kesine birinshi bolyp kelip, aqjarma tilekke ıe bolsa, Qosshy qalasynyń №750 referendým ýchaskesinde soǵys ardageri Nurqasym Ájitaev óz tańdaýyn jasady. Nurqasym aqsaqal – marshal Malınovskııdiń qolbasshylyǵymen Kerch qalasyn jaý qolynan azat etýge qatysqan jaýynger. 1945 jyly tamyz ben qyrkúıek aılarynda Japonııamen soǵysatyn jaýyngerlerge ilesip, 293-atqyshtar dıvızııasymen kelesi qan maıdanǵa attanǵan. Týǵan jerge araǵa segiz jyl salyp, 1951 jyly oralǵan. Nurzılát Qusaıynqyzymen sha­ńyraq kóterip, búginde jeti balasynan on nemere, toǵyz shóbere súıip otyr.

Oblys ortalyǵyndaǵy «Dos­tar» máde­nıet úıinde ózgeshe kórinis el nazaryn aýdar­dy. Ertegi keıip­ker­le­riniń kıimin kıgen kásibı anımatorlar daýys berýge kelipti. Til­des­ke­ni­mizde olar kási­bı ju­mys­tary men azamattyq boryshta­ryn ush­tastyra otyryp, kópshiliktiń kóńi­­lin kóte­rýge nıettengenin aıtty.

– Referendým – óte mańyzdy ýaqıǵa. Daýys berýge kelgender el bo­la­shaǵyn aıqyndaýǵa tańdaý jasaı otyryp, bir ser­pilip qalsyn dep oıladyq. Al bizdiń kos­­tıým­de­ri­miz asa mańyzdy iske eshbir bóget etpeıdi, – deıdi Elza beınesindegi anımator.

Referendým komıssııasy múshe­leriniń piki­­rin­she, mundaı bastamalar esh tár­tipti buz­baıdy, kerisinshe daýys berý­shilerge kóterińki kóńil kúı syılaıdy.

Aqmola oblysy